ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ແລະ ທ່ານ Sheikh Jaber Al-Mubarak Al-Hanmad Al-Sabah, ນາຍົກລັດຖະມົນຕີ ກູເວດ ຢ້ຽມຢາມຫວຽດນາມຢ່າງເປັນທາງການ ເມື່ອປີ 2016 (ພາບ: TTXVN)
ນີ້ແມ່ນການຢ້ຽມຢາມທີ່ມີຄວາມໝາຍໃນການພົວພັນລະຫວ່າງ ຫວຽດນາມ - ກູເວດ ເວົ້າສະເພາະ ແລະ ພາກຕາເວັນອອກກາງເວົ້າລວມ ແລະ ກໍ່ແມ່ນການຢ້ຽມຢາມກູເວດຄັ້ງທຳອິດຂອງການນຳຂັ້ນສູງ ຫວຽດນາມ ພາຍຫຼັງ 10 ປີ ນັບແຕ່ການຢ້ຽມຢາມຂອງທ່ານນາຍົກລັດຖະມົນຕີ ຫງວຽນເຕິນຢຸງ ໃນປີ 2009.
ການຢ້ຽມຢາມ ກູເວດຢ່າງເປັນທາງການຄັ້ງນີ້ຂອງທ່ານນາຍົກລັດຖະມົນຕີ ຫງວຽນຊວັນຟຸກ ແມ່ນໂອກາດສຳຄັນເພື່ອໃຫ້ສອງຝ່າຍຕີລາຄາບັນດາຄວາມກ້າວໜ້າໃນການພົວພັນລະຫວ່າງສອງປະເທດໃນໄລຍະທີ່ຜ່ານມາ, ພ້ອມທັງແລກປ່ຽນບັນດາມາດຕະການ, ທິດທາງຊຸກຍູ້ການຮ່ວມມືໃນໄລຍະຈະມາເຖິງ, ເປັນຕົ້ນແມ່ນໃນຂົງເຂດທີ່ສອງຝ່າຍມີຄວາມສາມາດບົ່ມຊ້ອນ, ທ່າແຮງ ແລະ ມີລັກສະນະຊ່ວຍໜູນກັນໃນການຮ່ວມມືຄື ພະລັງງານ, ນ້ຳມັນ ອາຍແກັດ, ກະສິກຳ, ແຮງງານ, ການທ່ອງທ່ຽວ. ນອກຈາກນັ້ນ, ກໍ່ແມ່ນໂອກາດເພື່ອໃຫ້ສອງຝ່າຍແລກປ່ຽນບັນດາບັນດາໃນພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ.
(ແຫຼ່ງຄັດຈາກ VOV)
