ທ່ານນາຍົກລັດຖະມົນຕີ ຫງວຽນຊວັນຟຸກ ຕ້ອນຮັບທ່ານປະທານສະພາຕໍ່າ ກາຊັກສະຖານ Nurlan Nigmatulin (ພາບ: TTXVN)
ທ່ານປະທານສະພາຕໍ່າ Nurlan Nigmatulin ຢັ້ງຢືນວ່າ ຫວຽດນາມ ແມ່ນຄູ່ຮ່ວມມືສໍາຄັນຂອງ ກາຊັກສະຖານ ຢູ່ ອາຊີຕາເວັນອອກສ່ຽງໃຕ້. ກ່ຽວກັບການພົວພັນລະຫວ່າງສອງປະເທດ, ທ່ານປະທານສະພາຕໍ່າ ກາຊັກສະຖານ ຖືວ່າ, ສອງຝ່າຍ ຍັງມີຄວາມສາມາດບົ່ມຊ້ອນຫຼາຍຢ່າງ ໂດຍສະເພາະແມ່ນຂົງເຂດກະສິກໍາ, ອຸດສາຫະກໍາເບົາ, ຄົມມະນາຄົມ, logistics ແລະ ການທ່ອງທ່ຽວ. ທ່ານເຊື້ອເຊີນບັນດາຄູ່ຮ່ວມມືຂອງຫວຽດນາມ ໄປເຄື່ອນໄຫວດໍາເນີນທຸລະກິດ ແລະ ຮ່ວມມື ຢູ່ກາຊັກສະຖານ.
ເຫັນດີຕໍ່ຂໍ້ສະເໜີແນະຂອງທ່ານປະທານສະພາຕໍ່າ, ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ ຫວຽດນາມ ປາດຖະໜາຢາກໃຫ້ ກາຊັກສະຖານ ຕັ້ງໜ້າສະໜັບສະໜູນການຮັກສາສັນຕິພາບ, ສະຖຽນລະພາບ ແລະ ພັດທະນາ, ສະໜັບສະໜູນການແກ້ໄຂບັນດາການຂັດແຍ້ງການໂດຍສັນຕິວິທີ, ຜ່ານການເຈລະຈາທາງການທູດ, ເຄົາລົບກົດໝາຍສາກົນ. ທ່ານນາຍົກລັດຖະມົນຕີ ກໍສະເໜີໃຫ້ສອງຝ່າຍ ຕີລາຄາຜົນຂອງການຜັນຂະຫຍາຍ ສັນຍາ FTA ລະຫວ່າງຫວຽດນາມ ກັບ ສະຫະພັນ ເສດຖະກິດ ອາຊີ - ເອີຣົບ ຢ່າງແທດຈິງ; ສືບຕໍ່ຊຸກຍູ້ການແລກປ່ຽນຄະນະຜູ້ແທນວິສາຫະກິດ, ຈັດຕັ້ງງານຕະຫຼາດນັດ, ງານວາງສະແດງ,ເວທີປາໄສວິສາຫະກິດຢູ່ທັງສອງປະເທດ; ຊຸກຍູ້ການຮ່ວມມືລົງທຶນ; ເພີ່ມທະວີການຮ່ວມມືໃນບັນດາຂົງເຂດທີ່ສອງປະເທດມີທ່າແຮງ.
(ແຫຼ່ງຄັດຈາກ VOV)
