ວັນທີ 16 ເມສາ, ຢູ່ ສຳນັກງານກະຊວງປ້ອງກັນປະເທດ, ທ່ານ ພົນເອກ ໂງຊວນລິກ, ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ໃຫ້ການຕ້ອນຮັບທ່ານພົນເຮືອເອກ Philip Davidson, ຜູ້ບັນຊາກອງບັນຊາການ ມະຫາສະມຸດອິນເດຍ - ປາຊີຟິກ (ອາເມລິກາ), ເນື່ອງໃນໂອກາດທ່ານມາຢ້ຽມຢາມ ແລະ ເຮັດວຽກຢູ່ ຫວຽດນາມ.
ໃນການພົບປະແລກປ່ຽນກັບ ທ່ານ Philip Davidson, ທ່ານ ພົນເອກ ໂງຊວນລິກ ຖືວ່າ ໃນໄລຍະທີ່ຜ່ານມາ, ການພົວພັນຄູ່ຮ່ວມມືຮອບດ້ານ ລະຫວ່າງ ຫວຽດນາມ - ອາເມລິກາ ພ້ອມກັບ ການຮ່ວມມືດ້ານປ້ອງກັນຊາດ ລະຫວ່າງສອງປະເທດ ນັບມື້ນັບພັດທະນາຢ່າງດີງາມ, ສະແດງໃຫ້ເຫັນຜ່ານບາງຂົງເຂດການຮ່ວມມືຄື ການແລກປ່ຽນຄະນະຜູ້ແທນ, ການບຳລຸງສ້າງ, ການແບ່ງປັນບົດຮຽນເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ ແລະ ແກ້ໄຂຜົນຮ້າຍຢ້ອນຫຼັງຈາກສົງຄາມ… ທ່ານພົນເອກ ໂງຊວນລິກ ໄດ້ສະເໜີວ່າ ໃນໄລຍະຈະມາເຖິງ, ກອງທັບ ຫວຽດນາມ ແລະ ກອງທັບ ອາເມລິກາ ຄວນສືບຕໍ່ຍູ້ແຮງການຮ່ວມມືບົນພື້ນຖານຄວາມສະເໝີພາບ, ເຄົາລົບນັບຖືເຊິ່ງກັນແລະກັນ, ເພື່ອຜົນປະໂຫຍດຂອງແຕ່ລະປະເທດ, ເພື່ອສັນຕິພາບ, ສະຖຽນລະພາບໃນພາກພື້ນ ແລະ ໃນໂລກ.
(ແຫຼ່ງຄັດຈາກ VOV)
