ຕອນຄຳ່ວັນທີ 1/7, ສະຖານທູດ ຫວຽດນາມ ແລະ ລາວ ປະຈຳ ສິງຄະໂປ ໄດ້ຈັດຕັ້ງງານພົບປະແລກປ່ຽນມິດຕະພາບ,

 
ເອກອັກຄະລັດຖະທູດ ຫວຽດນາມ ແລະ ລາວ ປະຈຳ ສິງກະໂປ ທີ່ການພົບປະ
(ພາບ: ສຳນັກຂ່າວສານ ຫວຽດນາມ)

      ເນື່ອງໃນໂອກາດສະເຫຼີມສະຫຼອງ 55 ປີ ແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ (5/9/1962-5/9/2017) ແລະ 40 ປີ ແຫ່ງວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18/7/1977-18/7/2017). ກ່າວຄວາມເຫັນນະທີ່ນີ້, ທ່ານ ຫງວຽນຕ໋ຽນມິງ ເອກອັກຄະລັດຖະທູດ ຫວຽດນາມ ປະຈຳ ສິງຄະໂປ ໄດ້ຫວນຄືນໄລຍະແຫ່ງການພັດທະນາອັນສະຫງ່າລາສີ ຂອງສາຍພົວພັນມິດຕະພາບແບບພິເສດ ຫວຽດນາມ - ລາວ. ພ້ອມທັງຢືນຢັນວ່າ, ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ຫວຽດນາມ -ລາວ ໄດ້ກາຍເປັນຊັບສົມບັດລວມອັນລ້ຳຄ່າຂອງສອງພັກ, ສອງລັດ ແລະ ສອງຊາດ.
      ໃນງານພົບປະແລກປ່ຽນນີ້ກໍ່ໄດ້ມີລາຍການສະແດງສິລະປະທີ່ເປັນມູນເຊື້ອຂອງສອງຊາດ ຫວຽດນາມ - ລາວ. ຕອນບ່າຍວັນທີ 1/7, ສະຖານທູດ ຫວຽດນາມ ແລະ ລາວ ປະຈຳ ສິງຄະໂປ ໄດ້ຈັດຕັ້ງການແຂ່ງຂັນບານເຕະມິດຕະພາບລະຫວ່າງບັນດາພະນັກງານຂອງສອງອົງການຕາງໜ້າການທູດ.

(ແຫຼ່ງຄັດຈາກ VOV)