ຂ່າວສານ
ຄວາມເຄັ່ງຕຶງດ້ານການຄ້າ ນາບຂູ່ການເຕີບໂຕເສດຖະກິດຂອງ ກຸ່ມນໍາໃຊ້ສະກຸນເງິນ ເອີໂຣ ວັນເສົາ ທີ 22 ກັນຍາ ຄ.ສ. 2018 | 15:07:37
ຕາມຜົນຂອງການສໍາຫຼວດ ທີ່ໄດ້ປະກາດໃນວັນທີ 21 ກັນຍາ ແລ້ວ, ບໍລິສັດຕິດຕາມກວດກາຂໍ້ມູນ IHS Markit ໄດ້ກ່າວເຕືອນວ່າ ການເຕີບໂຕໃນການສົ່ງອອກພວມຖືກຫຼຸດລົງ ຢູ່ 19 ປະເທດ ສະມາຊິກຂອງ ກຸ່ມໃຊ້ສະກຸນເງິນ ເອີໂຣ, ເຖິງວ່າການເຄື່ອນໄຫວເສດຖະກິດຢູ່ ເຢຍລະມັນ ແລະ ຝລັ່ງ ຍັງຄົງສືບຕໍ່ຮັບຮູ້ບັນດາຕົວເລກຕັ້ງໜ້າກໍຕາມ. ທ່ານ Chris Williamson ຫົວໜ້ານັກຊ່ຽວຊານເສດຖະກິດ ຢູ່ IHS Markit ໃຫ້ຂໍ້ສັງເກດວ່າ ເບິ່ງຄືວ່າສະພາບການທີ່ຊັກຊ້າໃນການເຄື່ອນໄຫວສົ່ງອອກ ໄດ້ເຮັດໃຫ້ ພື້ນຖານເສດຖະກິດຂອງ ກຸ່ມນໍາໃຊ້ສະກຸນເງິນ ເອີໂຣ ໃນເດືອນ ກັນຍາ ນີ້ ກາຍເປັນຈຸດເວລາທີ່ຮ້າຍແຮງທີ່ສຸດ ໃນເກືອບ 02 ປີ ຜ່ານມາ. ຕາມ ທ່ານ Williamson ແລ້ວ, ສົງຄາມດ້ານການຄ້າຕ່າງໆ, ບັນຫາ ອັງກິດ ຖອນຕົວອອກຈາກ ອີຢູ, ຄວາມຕ້ອງການຂອງທົ່ວໂລກຖືກຫຼຸດໜ້ອຍຖອຍລົງ (ພິເສດໃນຂະແໜງການສົ່ງອອກລົດ ໂອໂຕ) ແລະ ຄວາມຂາດສະຖຽນລະພາບທາງການເມືອງເພີ່ມຂຶ້ນ ຢູ່ ທົ່ວກຸ່ມນໍາໃຊ້ສະກຸນເງິນ ເອີໂຣ ແລະບັນດາພາກພື້ນອື່ນນັ້ນ ແມ່ນ ບັນດາປັດໄຈ ເຮັດໃຫ້ການເຄື່ອນໄຫວດໍາເນີນທຸລະກິດຖືກຫຼຸດລົງ.
(ແຫຼ່ງຄັດຈາກ VOV)
