ຂ່າວສານ

ກ່ຳປັ່ນກອງທັບເຮືອສ.ເກົາຫຼີ ຢ້ຽມຢາມນະຄອນດ່ານັ້ງ

08/09/2019

ຕອນເຊົ້າວັນທີ 07 ກັນຍາ, ກ່ຳປັ່ນຂັບໄລ່ Moon The Great ພ້ອມທັງກ່ຳປັ່ນໜູນຊ່ວຍພະລາທິການ ROKS Hwacheon ຂອງກອງທັບເຮືອ ສ.ເກົາຫຼີ ໄດ້ເຂົ້າທຽບທ່າ ແລະ ເລີ່ມຕົ້ນການຢ້ຽມຢາມນະຄອນດ່ານັ້ງ ໃນລະຫວ່າງວັນທີ 07 – 09 ກັນຍາ.

ພິທີຕ້ອນຮັບຜູ້ບັນຊາກ່ຳປັ່ນສ.ເກົາຫຼີ
(ພາບ: TTXVN)

ນີ້ແມ່ນຄັ້ງທຳອິດໃນປີ 2019 ທີ່ກ່ຳປັ່ນກອງທັບເຮືອຂອງສ.ເກົາຫຼີ ມາຢ້ຽມຢາມຫວຽດນາມ ຢ່າງເປັນທາງການ. ການຢ້ຽມຢາມຂອງກ່ຳປັ່ນສ.ເກົາຫຼີ 2 ລຳດັ່ງກ່າວ ຖືກດຳເນີນໃນສະພາບທີ່ການພົວພັນລະຫວ່າງ 2 ປະເທດເວົ້າລວມ ແລະ ການພົວພັນດ້ານປ້ອງກັນຊາດເວົ້າສະເພາະໄດ້ຮັບການປັບປຸງ, ເພີ່ມທະວີຢ່າງບໍ່ຢຸດຢັ້ງ. ນີ້ແມ່ນໜຶ່ງໃນບັນດາການເຄື່ອນໄຫວລະອຽດເພື່ອແນໃສ່ຜັນຂະຫຍາຍບັນດາເນື້ອໃນຂໍ້ຕົກລົງລະຫວ່າງການນຳຂັ້ນສູງຂອງ 2 ລັດ ແລະ ກະຊວງປ້ອງກັນປະເທດ 2 ປະເທດ.

ໃນໄລຍະຢູ່ຢ້ຽມຢາມ, ກຸ່ມຜູ້ບັນຊາກ່ຳປັ່ນສ.ເກົາຫຼີ ໄດ້ເຂົ້າຢ້ຽມຂ່ຳນັບການນຳຄະນະກຳມະການປະຊາຊົນນະຄອນດ່ານັ້ງ, ກອງບັນຊາການກອງທັບເຮືອເຂດ 3, ເຂົ້າຮ່ວມການສະແດງວັດທະນະທຳ - ສິລະປະ ແລະ ຢ້ຽມຢາມທັດສະນີຍະພາບບາງແຫ່ງຢູ່ນະຄອນດ່ານັ້ງ…

(ແຫຼ່ງຄັດຈາກ VOV)

ນາຍົກລັດຖະມົນຕີ ຟ້າມມິງຈິງ ແລະ ບັນດາການນຳ ອາຊຽນ ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28

29/10/2025
ຂ່າວສານ

ໂດຍສືບຕໍ່ບັນດາການເຄື່ອນໄຫວໃນຂອບເຂດກອງປະຊຸມສຸດຍອດ ອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ, ຕອນເຊົ້າວັນທີ 28 ຕຸລາ, ຢູ່ ກົວລາ ລຳເປີ ປະເທດ ມາເລເຊຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພ້ອມດ້ວຍບັນດາການນຳ ອາຊຽນ ແລະ ທ່ານນາຍົກລັດຖະມົນຕີ ຈີນ ຫຼີຊຽນ ໄດ້ເຂົ້າຮ່ວມກອງປະຊຸມສຸດຍອດ ອາຊຽນ - ຈີນ ຄັ້ງທີ 28.