ທ່ານ Prak Sokhonn ຮອງນາຍົກລັດຖະມົນຕີ ທັງເປັນລັດຖະມົນຕີການຕ່າງປະເທດ ກຳປູເຈຍ. (ພາບ: Khmertimeskh.com)

ວັນທີ 24 ມີນາ, ທ່ານ Prak Sokhonn ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງປະເທດ ກຳປູເຈຍ ໄດ້ຮຽກຮ້ອງໃຫ້ 6 ປະເທດຮ່ວມມືແມ່ນ້ຳຂອງ - ລ້ານຊ້າງ (LMC) ສືບຕໍ່ສະແດງໃຫ້ເຫັນຄວາມສາມັກຄີເພື່ອຮັບມືກັບໂລກລະບາດໂຄວິດ - 19.

ໃນສານສະເຫຼີມສະຫຼອງ ສັບປະດາ LMC ປີ 2021 ໂດຍແມ່ນເຫດການທີ່ໄດ້ຮັບການຈັດຕັ້ງປະຈຳປີ, ທ່ານ Sokhonn ໃຫ້ຮູ້ວ່າ ປີ 2020 ໂລກລະບາດ ໂຄວິດ - 19 ໄດ້ກໍ່ຜົນກະທົບຮ້າຍແຮງຕໍ່ຄວາມປອດໄພດ້ານສຸຂະພາບຂອງປະຊາຄົມ, ການເຄື່ອນໄຫວເດີນທາງໄປມາຂອງມະນຸດ ແລະ ກະແສຂອງລະບົບສະໜອງທົ່ວໂລກ.

ຕາມທ່ານ Sokhonn ແລ້ວ, ເພື່ອຮັບປະກັນການຟື້ນຟູເສດຖະກິດສັງຄົມທີ່ເຕັມໄປດ້ວຍຄວາມຫວັງພາຍຫຼັງໂລກລະບາດໂຄວິດ - 19, ຢູ່ກອງປະຊຸມບັນດາການນຳ LMC ຄັ້ງທີ 3 ໃນເດືອນສິງຫາ 2020, ການນຳຂອງບັນດາປະເທດ LMC ໄດ້ຢັ້ງຢືນຄືນໃໝ່ຄວາມຕັດສິນໃຈແກ້ໄຂບັນດາຜົນກະທົບຢ່າງຮ້າຍແຮງຈາກໂລກລະບາດໂຄວິດ - 19 ດ້ວຍວິທີການເພີ່ມທະວີການຮ່ວມມືດ້ານສຸຂະພາບຂອງວົງຄະນະຍາດຜ່ານການສ້າງຕັ້ງປະຊາຄົມ ການແພດສາທາລະນະ ແມ່ນ້ຳຂອງ - ລ້ານຊ້າງ.

(ແຫຼ່ງຄັດຈາກ VOV)