ແລະກໍ່ໃນຕອນເຊົ້າວັນດຽວກັນ ຢູ່ ເມືອງ ເລ້ຖູຍ ແຂວງ ກວ໋າງບີງ ແລະ ຢູ່ ແມ່ນ້ຳ ເຮືອງ ນະຄອນ ເຫ້ວ ກໍ່ໄດ້ຈັດການຊ່ວງເຮືອ ໂດຍມີການເຂົ້າຮ່ວມຂອງຊາວທ້ອງຖິ່ນເປັນຈຳນວນຫລວງຫລາຍ.
ສ່ວນຢູ່ ນະຄອນ ດາຫນັງ, ບັນດາບ່ອນລະຫລິ້ນບັນເທິງ ຢູ່ນະຄອນ ໄດ້ຈັດຕັ້ງລາຍການຕ່າງໆເພື່ອຮັບໃຊ້ປະຊາຊົນ ແລະ ແຂກທ່ອງທ່ຽວ. ຕາມການສະຖິຕິຈາກບັນດາບໍລິສັດທ່ອງທ່ຽວແລ້ວ, ຈຳນວນແຂກທ່ອງທ່ຽວມາຢ້ຽມຢາມນະຄອນໃນໂອກາດວັນຊາດປີນີ້ ແມ່ນເພີ່ມຂຶ້ນທົບສອງເທົ່າເມື່ອທຽບໃສ່ມື້ທຳມະດາ.ແລະໃນວັນດຽວກັນ ຄະນະກຳມະການປະຊາຊົນ ແຂວງ ລອງອານ ໄດ້ຈັດຕັ້ງພິທີໄຂງານວາງສະແດງ “ ລອງອານ - 50 ປີແຫ່ງວັນປະຕິບັດຕາມຄຳພິໄນກຳຂອງປະທານໂຮ່ຈິນມີນ.
ກ່ອນຫນ້ານັ້ນ ຕອນຄ່ຳວັນທີ 1 ກັນຍາຢູ່ ສະຫນາມຫລວງ 7/5 ນະຄອນ ດ້ຽນບຽນ ໄດ້ດຳເນີນລາຍການສິລະປະ ຍ້ອງຍໍຄຸນງາມຄວາມດີອັນໃຫຍ່ຫລວງ ຂອງປະທານໂຮ່ຈິມີນ, ຄວາມຮັກຕໍ່ບ້ານເກີດເມືອງນອນປະເທດຊາດ, ຄວາມເອກອ້າງທະນົງໃຈກ່ຽວກັບປະຫວັດສາດ ແລະ ມູນເຊື້ອອັນສະຫງ່າລາສີຂອງຊາດ ແລະ ຄວາມເຊື່ອໝັ້ນຕໍ່ພາລະກິດປ່ຽນແປງໃຫມ່ຂອງປະເທດຊາດ.
(ແຫຼ່ງຄັດຈາກ VOV)
