ໂດຍສືບຕໍ່ລາຍການເຮັດວຽກຂອງກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມ, ຕອນບ່າຍວັນທີ 26 ມັງກອນ, ບັນດາຜູ້ແທນສືບຕໍ່ປຶກສາຫາລືຢູ່ຕາມຄະນະກ່ຽວກັບເອກະສານກອງປະຊຸມໃຫຍ່. ຢູ່ນອກກອງປະຊຸມໃຫຍ່, ບັນດາຜູ້ແທນໄດ້ຕີລາຄາສູງເນື້ອໃນການກຳນົດທິດ ແລະ ເປົ້າໝາຍພັດທະນາປະເທດ ເຊິ່ງບົດລາຍງານທາງເມືອງໄດ້ວາງອອກຢູ່ກອງປະຊຸມໃຫຍ່. ຜູ້ແທນ ເລດຶກທໍ້, ຄະນະຜູ້ແທນກຸ່ມວິສາຫະກິດສູນກາງ, ຖືວ່າ.
“ບັນດາເນື້ອໃນຂອງມະຕິທີ່ໄດ້ວາງອອກ ໄດ້ຫັນເປັນລະບອບລະບຽບການຢ່າງຈະແຈ້ງກວ່າ ໃນການກໍ່ສ້າງພັດທະນາເສດຖະກິດ ແມ່ນໜ້າທີ່ຈຸດສຸມ ແລະ ກໍ່ສ້າງພັກແມ່ນໜ້າທີ່ຫຼັກແຫຼ່ງ. ນີ້ແມ່ນທັດສະນະທີ່ຖືກຕ້ອງທີ່ສຸດ ແລະ ຮັບປະກັນໃຫ້ແກ່ການພັດທະນາຢ່າງວ່ອງໄວ ແລະ ໝັ້ນຄົງຂອງປະເທດຫວຽດນາມ ແລະ ການເຄື່ອນໄຫວໃນຂົງເຂດທະນາຄານ, ການເງິນ ເຊິ່ງແມ່ນຂົງເຂດເສດຖະກິດສັງລວມຂອງປະເທດຊາດ. ຈາກນັ້ນ, ກໍ່ເປັນພື້ນຖານເພື່ອຫັນບັນດານະໂຍບາຍກົດໝາຍໃຫ້ເປັນລະບອບລະບຽບການ ກໍຄືວິວັດທະນາການຈັດຕັ້ງ, ຜັນຂະຫຍາຍຢ່າງມີປະສິດທິຜົນ.”
ບາງຄຳເຫັນກໍ່ໃຫ້ຂໍ້ສັງເກດວ່າ, ບົດລາຍງານການເມືອງມີຫຼາຍເນື້ອໃນກ່ຽວຂ້ອງເຖິງເລື່ອງຮັບປະກັນການພັດທະນາເສດຖະກິດ, ສັງຄົມຢ່າງວ່ອງໄວ, ໝັ້ນຄົງ, ສົມທົບກັບການປ້ອງກັນຊາດ ແລະ ປ້ອງກັນຄວາມສະຫງົບຢ່າງແໜ້ນແຟ້ນ. ທ່ານນາງ ຮ່າທິເຮືອງ, ຄະນະຜູ້ແທນແຂວງ ແທັງຮ໊ວາ, ປາດຖະໜາວ່າ.
“ຂ້າພະເຈົ້າຫວັງວ່າ, ພາຍຫຼັງກອງປະຊຸມໃຫຍ່ຄັ້ງທີ 13 ບັນລຸຜົນສຳເລັດ, ຈະມີບັນດາລັດຖະນະໂຍບາຍພິເສດ, ເອົາໃຈໃສ່ເຖິງຊີວິດການເປັນຢູ່ຂອງຊາວເຜົ່າສ່ວນໜ້ອຍເວົ້າລວມ ແລະ ທົ່ວປະເທດເວົ້າສະເພາະ. ຂ້າພະເຈົ້າຄິດວ່າ, ໜ້າທີ່ຂອງຜູ້ແທນແຕ່ລະທ່ານທີ່ເຂົ້າຮ່ວມກອງປະຊຸມໃຫຍ່ ແມ່ນຕ້ອງຍົກສູງຈິດໃຈຄວາມຮັບຜິດຊອບ ແລະ ພິເສດ ພາຍຫຼັງກອງປະຊຸມໃຫຍ່ປະສົບຜົນສຳເລັດ ຈະຜັນຂະຫຍາຍມະຕິເຂົ້າສູ່ຊີວິດຕົວຈິງ.”
ມີຜູ້ແທນຫຼາຍທ່ານມີຄວາມເຊື່ອໝັ້ນວ່າ, ດ້ວຍບັນດາລັດຖະນະໂຍບາຍທີ່ຖືກຕ້ອງຢູ່ກອງປະຊຸມໃຫຍ່ຄັ້ງນີ້, ປະເທດຫວຽດນາມ ຈະພັດທະນາຢ່າງໄວ, ຍືນຍົງກວ່າໃນໄລຍະຈະມາເຖິງ.
(ແຫຼ່ງຄັດຈາກ VOV)
