ຂ່າວສານ
ກອງປະຊຸມສຸດຍອດ ອາຊຽນ: ເພີ່ມທະວີການເຊື່ອມຕໍ່ ແລະ ສ້າງສະພາບແວດລ້ອມສະດວກໃຫ້ແກ່ວິສາຫະກິດເຊື່ອມໂຍງ
ທ່ານນາຍົກລັດຖະມົນຕີ ສິງກະໂປ ຫຼີຊຽນຫຼົງ
ມີຜູ້ຕາງໜ້າວິສາຫະກິດເກືອບ 1.000 ແຫ່ງໃນກຸ່ມ ອາຊຽນ ແລະ ບັນດາປະເທດຄູ່ຮ່ວມມືໄດ້ເຂົ້າຮ່ວມກອງປະຊຸມສຸດຍອດການລົງທຶນ ແລະ ດຳເນີນທຸລະກິດ ອາຊຽນ (ABIS 2018 ເຊິ່ງຈັດຕັ້ງໃນວັນທີ 12 -13 ພະຈິກ ຢູ່ສິງກະໂປ. ນີ້ແມ່ນເຫດການສຳຄັນທີ່ສຸດຂອງປະຊາຄົມບັນດາວິສາຫະກິດໃນພາກພື້ນຈັດຕັ້ງໃນຂອບເຂດກອງປະຊຸມສຸດຍອດ ອາຊຽນ ແຕ່ວັນທີ 11 – 15 ພະຈິກ.
ດ້ວຍຫົວຂໍ້ວ່າ “ສ້າງອະນາຄົດ, ເຊື່ອມຕໍ່ປະຈຸບັນ”, ABIS 2018 ໄດ້ສຸມໃສ່ປຶກສາຫາລືບັນດາຂໍ້ລິເລີ່ມສຳຄັນຂອງປະຊາຄົມໃຫ້ຄຳປຶກສາທຸລະກິດ ອາຊຽນ; ໃນນັ້ນລວມມີການຮ່ວມມືເຊື່ອມຕໍ່ບັນດານະຄອນອັດສະລິຍະໃນພາກພື້ນ, ໂອ້ລົມສົນທະນາກັບບັນດາການນຳເພື່ອປະກອບສ່ວນຊຸກຍູ້ກ່ຽວກັບການປະກາດໃຊ້ບັນດານະໂຍບາຍເຊື່ອມຕໍ່ວິສາຫະກິດກໍ່ຄືບັນດາຂໍ້ລິເລີ່ມສ້າງຄວາມສະດວກໃຫ້ແກ່ວິສາຫະກິດ ອາຊຽນ ເຊື່ອມໂຍງ ແລະ ພັດທະນາ…ທ່ານ ດ່ວານຢູຍເຄືອງ, ຮອງປະທານຫ້ອງການການຄ້າ ແລະ ອຸດສາຫະກຳ ຫວຽດນາມ (VCCI) ນຳໜ້າຄະນະເຊິ່ງລວມມີວິສາຫະກິດ ຫວຽດນາມ ເກືອບ 80 ແຫ່ງເຂົ້າຮ່ວມກອງປະຊຸມໃຫ້ຮູ້ວ່າ: ຫວຽດນາມ ມີຂໍ້ລິເລີ່ມຫຼາຍຢ່າງ, ສະເໜີຕໍ່ບັນດາການນຳ ອາຊຽນ ອາດຈະເຂົ້າຮ່ວມການໜູນຊ່ວຍໃຫ້ດີກ່ວາໃຫ້ແກ່ປະຊາຄົມບັນດາວິສາຫະກິດ, ພິເສດແມ່ນວິສາຫະກິດຂະໜາດກາງ ແລະ ນ້ອຍ.
(ແຫຼ່ງຄັດຈາກ VOV)
