ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມີງ ທີ່ກອງປະຊຸມ
(ພາບ:ກະຊວງລັດຖະມົນຕີການຕ່າງປະເທດຫວຽດນາມ)
ວັນທີ 28 ກັນຍາ, ກອງປະຊຸມລັດຖະມົນຕີແມ່ຂອງ - ສ.ເກົ າຫລີ ຄັ້ງທີ 10 ໄດ້ຈັດຕັ້ງຕາມຮູບການອອນລາຍ ພາຍໃຕ້ການເປັນປະທານຮ່ວມຂອງທ່ານຮອງນາຍົກລັດຖະມົນຕີ ລັດຖະມົນຕີການຕ່າງປະເທດຫວຽດນາມ ຟ້າມບີ່ງມີງ ແລະ ທ່ານນາງລັດຖະມົນຕີການຕ່າງປະເທດ ສ.ເກົາຫລີ Kang Kyung Wha ພ້ອມດ້ວຍການເຂົ້າຮ່ວມຂອງທ່ານລັດຖະມົນຕີການຕ່າງປະເທດ ກຳປູເຈຍ, ລາວ, ມຽນມາ ແລະ ໄທ.
ທີ່ກອງປະຊຸມ, ບັນດາທ່ານລັດຖະມົນຕີ ຮຽກຮ້ອງການເພີ່ມທະວີການຮ່ວມມືລະຫວ່າງບັນດາປະເທດສະມາຊິກ ເພື່ອຄວບຄຸມ, ຮັບມື ແລະ ຫລຸດຜ່ອນຜົນກະທົບຈາກໂລກລະບາດໂຄວິດ 19, ສົ່ງເສີມການເຂົ້າຮ່ວມຂອງວິສາຫະກິດ ແລະ ທ້ອງຖິ່ນ, ເພີ່ມທະວີການປະສານສົມທົບ, ຫນູນຊ່ວຍ ອາຊຽນ ແລະ ບັນດາຂອບເຂດການຮ່ວມມືແມ່ຂອງອື່ນ.ບັນດາລັດຖະມົນຕີ ໄດ້ຮັບຮອງເອົາແຜນການດຳເນີນງານໄລຍະ 2021 -2025 ດ້ວຍບັນດາເປົ້າໝາຍ ແລະ ມາດຕະການລະອຽດ ເພື່ອພ້ອມກັນສົມທົບຜັນຂະຫຍາຍສ້າງການພົວພັນຄູ່ຮ່ວມມືເພື່ອປະຊາຊົນ, ຄວາມວັດທະນາຖາວອນ ແລະ ສັນຕິພາບ.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມີງ ຖືວ່າ: ການຮ່ວມມືແມ່ຂອງ -ສ.ເກົາຫລີ ຄວນຫນູນຊ່ວຍບັນດາປະເທດສະມາຊິກ ແກ້ໄຂຄວາມຫຍຸ້ງຍາກ ແລະ ກຳແຫນ້ນກາລະໂອກາດພັດທະນາໃຫມ່. ສິ້ນສຸດກອງປະຊຸມ, ບັນດາລັດຖະມົນຕີ ໄດ້ຮັບຮອງເອົາຖະແຫລງການປະທານຮ່ວມກອງປະຊຸມຂັ້ນສູງແມ່ຂອງ - ສ.ເກົາຫລີ ຄັ້ງທີ 2 ເນື່ອງໃນໂອກາດຈັດຕັ້ງກອງປະຊຸມສຸດຍອດ ອາຊຽນ ຄັ້ງທີ 37 ໃນເດືອນພະຈິກ ຈະມາເຖິງ.
(ແຫຼ່ງຄັດຈາກ VOV)
