ໄອ​ຍະ​ການ ອາ​ເມ​ລິ​ກາ ປະ​ຊຸມ​ໃນ​ວັນ​ທີ 27/4 (ພາບ: REUTERS/Kylie Cooper)  

ວັນ​ທີ 27 ເມ​ສາ, ບັນ​ດາ​ໄອ​ຍະ​ການ​ສະ​ຫະ​ລັດ ອາ​ເມ​ລິ​ກາ ໄດ້​ກ່າວ​ຫາ Cole Tomas Allen , ​ຜູ້​ຖືກ​ສົງ​ໄສວ່າ​ໄດ້​ຍິງ​ປືນ​ດ້ວຍກົນ​ອຸ​ບາຍ​ລອບ​ສັງຫານ​ທ່ານ Donald Trump ​ປະ​ທາ​ນາ​ທິ​ບໍ​ດີ ອາ​ເມ​ລິ​ກາ, ລາວຂຶ້ນ​ສານຄັ້ງ​ທຳ​ອິດພາຍຫຼັງ​ເຫດ​ຍິງ​ປືນ​​ທີ່​ງານ​ລ້ຽງ​ຂອງ​ສະ​ຫະ​ສະ​ມາ​ຄົມ​ນັກ​ຂ່າວ​ທຳ​ນຽບ​ຂາ​ວ​ໃນ​ຕອນ​ຄ່ຳ​ທ້າຍ​ອາ​ທິດ​ຜ່ານ​ມາ. ຜູ້​ຖືກ​ສົງ​ໄສ Cole Tomas Allen ຖືກສັ່ງ​ຟ້ອງ​ດ້ວຍ 3 ຖານ​ໂທດ​ອາ​ຍາ, ລວມ​ມີ: ກົນອຸ​ບາຍ​ລອບ​ສັງ​ຫານ​ປະ​ທາ​ນາ​ທິ​ບໍ​ດີ, ຂົນ​ສົ່ງ​ອາ​ວຸດ​ຂ້າມ​ລັດ ແລະ ຍິງ​ປືນ​ໃນ​ເຫດ​ໃຊ້​ຄວາມ​ຮຸນ​ແຮງ.

ທ່ານນາງ Jocelyn Ballantine ຜູ້​ຊ່ວຍ​ວຽກ​ໄອ​ຍະ​ການ​ສະ​ຫະ​ລັດ ຢັ້ງ​ຢືນ​ວ່າ ຜູ້​ຖືກ​ສົງ​ໄສ ໄດ້​ຂຶ້ນ​ແຜນ​ການ​ລອບ​ສັງ​ຫານ​ທ່ານ Donald Trump ປະ​ທາ​ນາ​ທິ​ບໍ​ດີ ອາ​ເມ​ລິ​ກາ ແລະ ສະ​ເໜີ​ຜູ້​ພິ​ພາກ​ສາ​ອອກ​ຄຳ​ສັ່ງ​ກັກ​ຂັງ​ຊົ່ວ​ຄາວ ເພື່ອ​ຮັບ​ປະ​ກັນ​ຄວາມ​ປອດ​ໄພ​ໃຫ້​ແກ່​ຊຸມ​ຊົນ ກ​ໍ​ຄື​ຫຼີກ​ລ້ຽງ​ຄວາມ​ສ່ຽງ​ຫຼົບ​ໜີ.