ກອງປະຊຸມສຸດຍອດ ອາຊີ - ເອີລົບຄັ້ງທີ 13 (ASEM 13) ໄດ້ໄຂຂຶ້ນຢ່າງເປັນທາງການໃນຕອນບ່າຍວັນທີ 25 ພະຈິກ, ຢູ່ສະຖານທີ່ຖ່າຍທອດສົດຢູ່ Phnom Penh, ປະເທດ ກຳປູເຈຍ, ພາຍໃຕ້ການເປັນປະທານຂອງທ່ານນາຍົກລັດຖະມົນຕີ ລາຊະອານາຈັກກຳປູເຈຍ Samdech Techo Hun Sen. ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເຂົ້າຮ່ວມກອງປະຊຸມແບບທາງໄກ ໃນລະຫວ່າງວັນທີ 25 – 26 ພະຈິກ.
ໃນບົດກ່າວປາໄສໄຂກອງປະຊຸມ, ທ່ານນາຍົກລັດຖະມົນຕີ Hun Sen ໃນຖານະເປັນປະທານ ASEM 13 ໄດ້ຢັ້ງຢືນວາ ເພື່ອຄວບຄຸມວິກິດການໃນໂລກ ພາຍຫຼັງໂລກລະບາດໂຄວິດ - 19 ບັນດາປະເທດຕ້ອງເພີ່ມທະວີການພົວພັນຄູ່ຮ່ວມມືອາຊີ - ເອີລົບ ເພື່ອຮັກສາກົນໄກຫຼາຍຝ່າຍຢ່າງແຮງ ເພື່ອນຳມາເຊິ່ງວິວັດທະນາການບໍ່ພຽງແຕ່ຍືນຍົງ ເທົ່ານັ້ນ ຫາກຍັງໄດ້ຮັບການແບ່ງປັນອີກດ້ວຍ.ກອງປະຊຸມ ASEM 13 ໄດ້ດຳເນີນໃນລະຫວ່າງ ວັນທີ 25 – 26 ພະຈິກ, ດ້ວຍ 7 ຫົວຂໍ້ເພື່ອປຶກສາຫາລືລວມມີ: ຜົນສຳເລັດ, ຄວາມຫຍຸ້ງຍາກ ແລະ ມາດຕະການ, ຟື້ນຟູກົນໄກຫຼາຍຝ່າຍ ເພື່ອສັນຕິພາບ ແລະ ສະຖຽນລະພາບທົ່ວໂລກ, ເພີ່ມທະວີລະບົບການຄ້າອີງໃສ່ກົດໝາຍ, ການພັດທະນາຢ່າງຮອບດ້ານ ແລະ ຍືນຍົງ, ເຊື່ອມຕໍ່, ແມ່ຍິງສັນຕິພາບ ແລະ ຄວາມໝັ້ນຄົງ, ການປ່ຽນແປງຂອງດິນຟ້າອາກາດ. ບັນດາການນຳ ASEM ກໍ່ຈະປຶກສາຫາລືກ່ຽວກັບບັນຫາ: ແກ້ໄຂຄວາມຫຍຸ້ງຍາກຍ້ອນໂລກລະບາດໂຄວິດ - 19 ກໍ່ຂຶ້ນ, ຊຸກຍູ້ການຟື້ນຟູເສດຖະກິດພາຍຫຼັງຄວບຄຸມໂຄວິດ - 19 ໄດ້ ເພື່ອການວັດທະນາຖາວອນ, ສ້າງອະນາຄົດທີ່ຮັບມືຢ່າງມີໄຫວພິບຄືນໃໝ່.
(ແຫຼ່ງຄັດຈາກ VOV)
