ຂ່າວສານ

ໃນ 9 ເດືອນປີ 2019, ຫວຽດນາມດຶງດູດ FDI ບັນລຸໄດ້ກ່ວາ 26 ຕື້ USD

30/09/2019

ນັບແຕ່ຕົ້ນປີມາຮອດ ວັນທີ 20 ກັນຍາ 2019, ຍອດທຶນລົງທະບຽນໃໝ່, ດັດປັບ ແລະ ປະກອບທຶນຊື້ຫຸ້ນສ່ວນຂອງບັນດານັກລົງທຶນຕ່າງປະເທດ ຢູ່ ຫວຽດນາມ ບັນລຸໄດ້ກ່ວາ 26 ຕື້ USD, ເພີ່ມຂຶ້ນ 3% ເມື່ອທຽບໃສ່ກັບໄລຍະດຽວກັນຂອງ ປີ 2018.

ການຜະລິດໂລດໂອໂຕຂອງບໍລິສັດຍີ່ປຸ່ນ ຢູ່ ວິງຟູກ (ພາບ: TTXVN)

ຕາມນັ້ນແລ້ວ, ກຽວກັບການດຶງດູດເງິນລົງທຶນຈາກຕ່າງປະເທດ (FDI), ຫວຽດນາມ ດຶງດູດໄດ້ 2.759 ໂຄງການໄດ້ຮັບໃບອະນຸຍາດໃໝ່ ດ້ວຍຈຳນວນທຶນຈົດທະບຽນບັນລຸໄດ້ເກືອບ 11 ຕື້ USD, ເພີ່ມຂຶ້ນກ່ວາ 26% ຈຳນວນໂຄງການ. ຄຽງຄູ່ກັນນັ້ນ, ມີກ່ວາ 1000 ໂຄງການທີ່ໄດ້ຮັບໃບອະນຸຍາດແຕ່ປີກາຍແລ້ວ ແລະ ໄດ້ຈົດທະບຽນດັດປັບເງິນລົງທຶນ ດ້ວຍຈຳນວນທຶນຂຶ້ນເຕີມບັນລຸໄດ້ 4,7 ຕື້ USD.

ຕາມຂົງເຂດການລົງທຶນແລ້ວ, ບັນດານັກລົງທຶນຕ່າງປະເທດໄດ້ລົງທຶນເຂົ້າ 19 ຂົງເຂດ, ຂະແໜງຄື, ໃນນັ້ນການລົງທຶນສຸມໃສ່ຫຼາຍທີ່ສຸດແມ່ນຂົງເຂດ ອຸດສາຫະກຳ ການປຸງແຕ່ງ, ປະດິດສ້າງ ດ້ວຍຍອດເງິນລົງທຶນບັນລຸໄດ້ກ່ວາ 18 ຕື້ USD, ກວມເອົາ 69% ຍອດທຶນຈົດທະບຽນ. ຕາມຄູ່ຮ່ວມມືລົງທຶນແລ້ວ, ໄດ້ມີ 109 ປະເທດ ແລະ ເຂດແຄ້ວນ ມີໂຄງການລົງທຶນຢູ່ ຫວຽດນາມ.
ການສົ່ງອອກຂອງພາກພື້ນ FDI, ນັບທັງ ນ້ຳມັນດິບ ບັນລຸໄດ້ເກືອບ 135 ຕື້ USD, ເພີ່ມຂຶ້ນ 5% ເມື່ອທຽບໃສ່ໄລຍະດຽວກັນປີ 2018 ແລະ ກວມເອົາ 69,3%, ຂອງ ວົງເງິນສົ່ງອອກ.

(ແຫຼ່ງຄັດຈາກ VOV)

ໂອກາດຢຸດຕິການປະທະກັນຢູ່ພາກພື້ນຕາເວັນອອກກາງ ຈາກແຜນການ 15 ຂໍ້

28/03/2026
ຂ່າວສານ

ພາຍຫຼັງການປະທະກັນຢູ່ພາກພື້ນຕາເວັນອອກກາງ ລະຫວ່າງ ອາເມລິກາ - ອິດສະລາແອັນກັບອີຣານ ລະເບີດຂຶ້ນເປັນເວລາ 1 ເດືອນ ແລະ ມີຄວາມເຄັ່ງຕຶງເພີ່ມຂຶ້ນຢ່າງແຮງນັ້ນ ເປັນຄັ້ງທຳອິດ ການປະທະກັນນັ້ນມີໂອກາດໄດ້ຮັບການແກ້ໄຂດ້ວຍເສັ້ນທາງໂອ້ລົມສົນທະນາ, ເມື່ອຝ່າຍອາເມລິກາ ສະເໜີ ແຜນການ 15 ຂໍ້ ກັບອີຣານ ເພື່ອແນໃສ່ຢຸດຕິການປະທະກັນ. ເຖິງຢ່າງໃດກໍຕາມ, ບັນດາຄວາມສ່ຽງການປະທະກັນເພີ່ມຂຶ້ນແມ່ນຍັງໃຫຍ່ຫຼວງທີ່ສຸດ.