ຂ່າວສານ

ໃນ 24 ຊົ່ວໂມງທີ່ຜ່ານມາ, ຫວຽດນາມຢັ້ງຢືນມີຜູ້ຕິດເຊື້ອໂຄວິດ - 19 ຢູ່ພາຍໃນປະເທດ ຈຳນວນ 11.168 ຄົນ

13/09/2021

ນັບແຕ່ເວລາ 17 ໂມງ ຂອງວັນທີ 12 ກັນຍາ ຫາ ເວລາ 17 ໂມງຂອງວັນທີ 13 ກັນຍາ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຈຳນວນ 11.168 ຄົນ ແລະ 4 ຄົນມາຈາກຕ່າງປະເທດ, ສະເພາະນະຄອນໂຮ່ຈິມິນມີ 5.446 ກໍລະນີ, ບີງເຢືອງ 3.651 ກໍລະນີ

ການເອົາຕົວຢ່າງມາວິໄຈຫາເຊື້ອໂຄວິດ-19 ໃນນະຄອນຮ່າໂນ້ຍ

ໃນວັນທີ 13 ກັນຍາ ຍອດຈຳນວນຄົນເຈັບທີ່ປິ່ນປົວຫາຍດີທີ່ປະກາດ ແມ່ນ 11.200 ຄົນ ແລະ ໃນວັນດຽວກັນ, ຫວຽດນາມຢັ້ງຢືນມີຄົນເຈັບຕິດເຊື້ອໂຄວິດ -19 ຖືກເສຍຊີວິດ ແມ່ນ 298 ຄົນ.

ເປັນອັນວ່າ ໄລຮອດວັນທີ 13 ກັນຍາ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 624.547 ຄົນ, ຍອດຈຳນວນຄົນເຈັບທີ່ປິ່ນປົວຫາຍດີ ແມ່ນ 385.778 ຄົນ ແລະ 15.660 ຄົນ ເສຍຊີວິດ.
ປະຈຸບັນ, ມີ 13 ໃນຈຳນວນ 63 ແຂວງ, ນະຄອນຢູ່ຫວຽດນາມ ໄດ້ຜ່ານ 14 ວັນ ຊຶ່ງບໍ່ມີກໍລະນີຕິດເຊື້ອໃໝ່ຢູ່ພາຍໃນປະເທດ, ນັ້ນແມ່ນ ບັກກ້ານ, ຕວຽນກວາງ, ລາຍເຈົາ, ຮ່ວາບີງ , ອຽນບ້າຍ, ຮ່າຢາງ, ທ້າຍງວຽນ, ດ້ຽນບຽນ, ວີ້ງຟຸກ, ຫາຍຟ່ອງ, ຫາຍເຢືອງ, ຮ່ານາມ ແລະ ລ່າວກາຍ

(ແຫຼ່ງຄັດຈາກ VOV)

ທ່ານເຈິ່ນເກິມຕູ ຜູ້ປະຈຳການຄະນະເລຂາທິການ ໃຫ້ການຕ້ອນຮັບຄະນະພະນັກງານຂັ້ນສູງ ພັກປະຊາຊົນປະຕິວັດລາວ

03/11/2026
ຂ່າວສານ

ທ່ານ ຄຳຟອງ ອິນມານີ ມີຄວາມຫວັງຢ່າງຍິ່ງວ່າ ສອງພັກ, ສອງລັດ ຈະສືບຕໍ່ເພີ່ມທະວີການຮ່ວມມື, ແລກປ່ຽນປະສົບການ, ແບ່ງປັນບັນດາຜົນສຳເລັດ ແລະ ບົດຮຽນພຶດຕິກຳ ຕົວຈິງ, ເພີ່ມພູນຄູນສ້າງການພົວພັນສາມັກຄີແບບພິເສດ ລາວ - ຫວຽດນາມ ຢ່າງຕໍ່ເນື່ອງໃຫ້ນັບມື້ນັບເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ.