ຈະມາຮອດນະຄອນໂຮ່ຈີມິນໃນວັນທີ 21 ສິງຫາ
ວັນທີ 20 ສິງຫາ, ຢູ່ສະໜາມບິນ Warsaw Chopin, ທ່ານເອກອັກຄະລັດຖະທູດ ຫວຽດນາມ ປະຈຳ ໂປໂລຍ ຫງວຽນຮຸ່ງ ໄດ້ເຂົ້າຮ່ວມພິທີມອບຮັບວັກຊິນກັນໂຄວິດ - 19 Astra Zeneca ກ່ວາ 500.000 ໂດສ ໂດຍໂປໂລຍໜູນຊ່ວຍໃຫ້ແກ່ ຫວຽດນາມ. ງວດວັກຊິນນີ້ ມາຮອດນະຄອນໂຮ່ຈີມິນ ໃນວັນທີ 21 ສິງຫາ, ໃນອາທິດຈະມາເຖິງ, ໂປໂລຍ ຈະສົ່ງໃຫ້ ຫວຽດນາມ ອຸປະກອນການແພດ ແລະ ຊຸດກັນເຊື້ອພະຍາດກ່ວາ 8 ໂຕນ ເພື່ອຮັບໃຊ້ໃຫ້ແກ່ການເຄື່ອນໄຫວປ້ອງກັນ, ຕ້ານໂລກລະບາດໂຄວິດ - 19. ຜູ້ຕາງໜ້າກົມສະສົມສຳຮອງຍຸດທະສາດແຫ່ງຊາດ ໂປໂລຍ ຢັ້ງຢືນວ່າ ອົງການນີ້ຈະສົມທົບກັບບັນດາອົງການທີ່ມີໜ້າທີ່ຄວາມຮັບຜິດຊອບຂອງສອງປະເທດ ເພື່ອສາມາດຈະຂົນສົ່ງງວດວັກຊິນ 3 ລ້ານໂດສໃຫ້ແກ່ ຫວຽດນາມ ໂດຍໄວ.
ໃນຂະນະນັ້ນ, ຄາດວ່າ, ວັກຊິນກັນໂຄວິດ - 19 ລວມ 250.000 ໂດສຂອງ ສ.ເຊັກໂກ ຈະມາຮອດ ຫວຽດນາມ ໃນອາທິດຈະມາເຖິງ. ສ.ເຊັກໂກ ກໍ່ມອບໂອນວັກຊິນ 500.000 ໂດສ ພ້ອມກັບຊຸດວິໄຈຫາເຊື້ອໄວຈຳນວນໜຶ່ງໃຫ້ແກ່ ຫວຽດນາມ ເພື່ອຕ້ານໂລກລະບາດໂຄວິດ - 19.
(ແຫຼ່ງຄັດຈາກ VOV)
