ໄລ່ຮອດທ້າຍວັນທີ 25 ມິຖຸນາ ຕາມເວລາທ້ອງຖິ່ນ, ຈຳນວນຜູ້ເສຍຊີວິດໃນເຫດແຜ່ນດິນໄຫວເປັນສອງຄັ້ງຢ່າງລຽນຕິດທີ່ເກີດຂຶ້ນໃນຄ່ຳຄືນວັນທີ 24 ມິຖຸນາຢູ່ ເວເນຊູເອລາ ໄດ້ເພີ່ມຂຶ້ນເປັນ 235 ຄົນ, ປະມານ 4.500 ຄົນຖືກບາດເຈັບ. ປັດຈຸບັນ, ບັນດາກຳລັງເຈົ້າໜ້າທີ່ ແລະ ປະຊາຊົນປະເທດນີ້ ພວມຊ່ວງເສັງກັບເວລາເພື່ອຊອກຫາຜູ້ຖືກຕິດຄ້າງໃນຂະນະທີ່ບັນດາ ຄວາມສັ່ນສະເທືອນຢ່າງແຮງຍັງສືບຕໍ່ເກີດຂຶ້ນຢ່າງຕໍ່ເນື່ອງ. ວັນທີ 25 ມິຖຸນາ, ທ່ານນາງ Delcy Rodriguez ປະທານາທິບໍດີ ຊົ່ວຄາວ ເວເນຊູເອລາໄດ້ລົງກວດກາສະພາບຕົວຈິງ ຢູ່ La Guaira ເຊິ່ງແມ່ນສະຖານທີ່ຖືກຜົນສະທ້ອນຢ່າງໜັກໜ່ວງທີ່ສຸດໃນເຫດແຜ່ນດິນໄຫວ ແລະ ໄດ້ຮັບການປະກາດວ່າແມ່ນ “ເຂດວິນາດຕະກຳ”.ໃນສະພາບການນັ້ນ, ບັນດາທິມກູ້ໄພກູ້ຊີບສາກົນ ພວມຮີບເຮັ່ງເດີນທາງມາຍັງເວເນຊູເອລາ ເພື່ອໜູນຊ່ວຍ.






