ຂ່າວສານ

ເສນາທິການໃຫຍ່ກອງທັບປະຊາຊົນຫວຽດນາມຕ້ອນຮັບຮອງຜູ້ບັນຊາການສາລະວັດທະຫານແຫ່ງລາຊະອານາຈັກກຳປູເຈຍ

23/09/2017

ຕອນບ່າຍວັນທີ 21 ກັນຍາ, ຢູ່ຮ່າໂນ້ຍ, ທ່ານພົນໂທ ຟານວັນຢາງ, ເສນາທິການໃຫຍ່ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ໄດ້ໃຫ້ການຕ້ອນຮັບທ່ານພົນເອກ Phoung Suphin, ຮອງຜູ້ບັນຊາການສາລະວັດທະຫານ, ກອງທັບແຫ່ງລາຊະອານາຈັກກຳປູເຈຍ ພ້ອມກັບສະມາຊິກຂອງໃນຄະນະ

ທ່ານພົນໂທ ຟານວັນຢາງ ຮັບທ່ານພົນເອກ Phoung Suphin
(ພາບ: qdnd.vn)

ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານພົນໂທ ຟານວັນຢາງ ຊີ້ແຈ້ງວ່າ ຫວຽດນາມ ແລະ ກຳປູເຈຍ ແມ່ນ 2 ປະເທດບ້ານໃກ້ເຮືອນຄຽງ, ມີສາຍພົວພັນມິດຕະພາບ, ສາມັກຄີ, ສະໜິດຕິດພັນໃນການຕໍ່ສູ້ປົດປ່ອຍຊາດ ແລະ ສ້າງສາປະເທດຊາດ. ໃນນັ້ນ, ການພົວພັນຮ່ວມມືດ້ານປ້ອງກັນຊາດໄດ້ປະກອບສ່ວນສຳຄັນເຂົ້າໃນການຊຸກຍູ້ການພົວພັນລະຫວ່າງຫວຽດນາມ - ກຳປູເຈຍ ໃຫ້ນັບມື້ນັບເຂົ້າສູ່ລວງເລິກ, ແທດຈິງ, ມີປະສິດທິຜົນ. ໃນໄລຍະຈະມາເຖິງ, 2 ຝ່າຍຄວນຍູ້ແຮງການຮ່ວມມືບຳລຸງສ້າງພະນັກງານ, ພົບປະແລກປ່ຽນ, ແລກປ່ຽນຄະນະຜູ້ແທນທຸກຂັ້ນ ແລະ ທຸກຂົງເຂດເຊິ່ງ 2 ຝ່າຍຕ່າງມີຄວາມສົນໃຈ.

(ແຫຼ່ງຄັດຈາກ VOV)

ຫວຽດນາມ ຍູ້ແຮງການພົວພັນຕ່າງປະເທດສອງຝ່າຍຢູ່ AMM-58

12/07/2025
ຂ່າວສານ

ເນື່ອງໃນໂອກາດເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 58 ຢູ່ Kuala Lumpur (ມາເລເຊຍ), ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ໄດ້ພົບປະກັບທ່ານລັດຖະມົນຕີການຕ່າງປະເທດ ບັນດາປະເທດ ຍີ່ປຸ່ນ, ຈີນ, ສະວິດ.