• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເສດຖະກິດຫວຽດນາມຮັກສາລະດັບເຕີບໂຕໃນທຸກຂົງເຂດ

      ກອງປະຊຸມຄັ້ງນີ້ແມ່ນເພື່ອແນໃສ່ຕີລາຄາສະພາບການໃນເດືອນສິງຫາ, 8 ເດືອນຜ່ານມາ ແລະ ໃຫ້ຂໍ້ສັງເກດຕໍ່ສະພາບການຂອງທັງປີ

ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ
(ພາບ: VGP)
      ຕອນເຊົ້າວັນທີ 04 ກັນຍາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານ ກອງປະຊຸມສະໄໝສາມັນປະຈຳເດືອນສິງຫາ ປີ 2019 ຂອງລັດຖະບານ. ກອງປະຊຸມຄັ້ງນີ້ແມ່ນເພື່ອແນໃສ່ຕີລາຄາສະພາບການໃນເດືອນສິງຫາ, 8 ເດືອນຜ່ານມາ ແລະ ໃຫ້ຂໍ້ສັງເກດຕໍ່ສະພາບການຂອງທັງປີ, ພ້ອມກັນນັ້ນກໍ່ຍື່ນສະເໜີຕໍ່ລັດຖະບານແຜນການຂອງລັດປີ 2020, ການຂຶ້ນແຜນງົບປະມານຂອງລັດປີ 2020 ເພື່ອກະກຽມລາຍງານຕໍ່ກົມການເມືອງ, ຄະນະບໍລິຫານງານສູນກາງພັກ ແລະ ຍື່ນສະເໜີຕໍ່ກອງປະຊຸມສະໄໝສາມັນຂອງສະພາແຫ່ງຊາດ ໃນເດືອນ ຕຸລາ ທີ່ຈະມາເຖິງ.
        ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ, ໃນສະພາບການເສດຖະກິດໂລກພວມມີສັນຍານຊຸດໂຊມຢ່າງເຫັນໄດ້ຊັດຄືໃນປະຈຸບັນ, ເສດຖະກິດຫວຽດນາມ ໄດ້ຮັກສາລະດັບເຕີບໂຕໃນທຸກຂົງເຂດ, ນັບທັງຂົງເຂດກະສິກຳ ເຊິ່ງເຄີຍປະສົບກັບຄວາມຫຍຸ້ງຍາກ. ເສດຖະກິດມະຫາພາກໄດ້ຮັບການຮັກສາເປັນປົກກະຕິ, ອັດຕາເງິນເຟີ້ຢູ່ໃນລະດັບຕ່ຳທີ່ສຸດໃນຮອບເວລາ 3 ປີຜ່ານມາ; ການສົ່ງອອກເພີ່ມຂຶ້ນດີພໍສົມຄວນ ແລະ ການສົ່ງອອກເກີນດຸນພາຍຫຼັງໄລຍະ 8 ເດືອນບັນລຸກວ່າ 3,4 ຕື້ USD…
        ບໍ່ພຽງແຕ່ທາງດ້ານເສດຖະກິດເທົ່ານັ້ນ, ຂົງເຂດວັດທະນະທຳສັງຄົມ, ສາທາລະນະສຸກ, ການສຶກສາ, ວຽກງານປ້ອງກັນຊາດ ປ້ອງກັນຄວາມສະຫງົບ, ການຕ່າງປະເທດ ແລະ ອິດທິພົນຊື່ສຽງຂອງຫວຽດນາມ… ກໍ່ນັບມື້ນັບໄດ້ຮັບການຍົກສູງຂຶ້ນ.
 (ແຫຼ່ງຄັດຈາກ VOV)

ປາ​ກິດ​ສ​ະ​ຖານ ຄ​ວບ​ຄຸມ​ໄດ້​ບັນ​ດາ​ເປົ້າ​ໝາຍ​ລອບ​ຈັບ​ຕົວ​ປະ​ກັນ

ປາ​ກິດ​ສ​ະ​ຖານ ຄ​ວບ​ຄຸມ​ໄດ້​ບັນ​ດາ​ເປົ້າ​ໝາຍ​ລອບ​ຈັບ​ຕົວ​ປະ​ກັນ

ປັດຈຸບັນສາມາດຄວບຄຸມສະຖານະການໄດ້ແລ້ວ, ແມ່ຍິງ ແລະ ເດັກນ້ອຍທີ່ຖືກນຳໃຊ້ເພື່ອເປັນເຄື່ອງກຳບັງໄດ້ຮັບການກູ້ຊ່ວຍ, ຍົກຈຳນວນຜູ້ໂດຍສານທີ່ໄດ້ຮັບການກູ້ຊ່ວຍລວມທັງໝົດ 190 ຄົນ.

Top