• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເວທີປາໄສເສດຖະກິດໂລກ ອາຊຽນ 2018: ຂີດໝາຍ ຫວຽດນາມ ບົນເວທີສາກົນ

ກອງປະຊຸມ WEF ASEAN ປີ 2018 ໄດ້ຮັບການຈັດຕັ້ງໃນລະຫວ່າງວັນທີ 11 – 13 ກັນຍາ 2018 ດ້ວຍຫົວຂໍ້ວ່າ “ອາຊຽນ 4.0: ນ້ຳໃຈວິສາຫະກິດ ແລະ ການປະຕິວັດອຸດສາຫະກຳ ຄັ້ງທີ 4”.

ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ກອງປະຊຸມ

ຕອນບ່າຍວັນທີ 21 ຕຸລາ,  ຢູ່ຮ່າໂນ້ຍ, ໄດ້ຈັດຕັ້ງກອງປະຊຸມສະຫລຸບໝາກຜົນຂອງເວທີປາໄສເສດຖະກິດ ໂລກ ASEAN 2018 (WEF ASEAN 2018).

        ກອງປະຊຸມ WEF ASEAN ປີ 2018 ໄດ້ຮັບການຈັດຕັ້ງໃນລະຫວ່າງວັນທີ 11 – 13 ກັນຍາ 2018 ດ້ວຍຫົວຂໍ້ວ່າ “ອາຊຽນ 4.0: ນ້ຳໃຈວິສາຫະກິດ ແລະ ການປະຕິວັດອຸດສາຫະກຳ ຄັ້ງທີ 4”. ບົດລາຍງານສະຫລຸບວຽກງານການກະກຽມ, ການຈັດຕັ້ງກອງປະຊຸມ WEF ASEAN 2018, ທ່ານ ບຸ່ຍແທງເຊີນ, ຮອງລັດຖະມົນຕີຜູ້ປະຈຳການກະຊວງການຕ່າງປະເທດ, ຫົວໜ້າຄະນະຈັດຕັ້ງ WEF ASEAN 2018 ເນັ້ນໜັກວ່າ:

        “ໂດຍແມ່ນກອງປະຊຸມ WEF ພາກພື້ນທີ່ເຕົ້າໂຮມຜູ້ແທນຫຼາຍທີ່ສຸດນັບແຕ່ກ່ອນມາເຖິງປັດຈຸບັນດ້ວຍຜູ້ແທນກ່ວາ 1.000 ຄົນ, ໃນນັ້ນມີການເຂົ້າຮ່ວມຂອງປະມຸກລັດທີ່ມາຈາກບັນດາປະເທດ ອາຊຽນ ຫຼາຍທີ່ສຸດ. ມີຈຳນວນວາລະປຶກສາຫາລືຫຼາຍທີ່ສຸດເຊິ່ງແມ່ນ 60 ຄັ້ງ, ມີເນື້ອໃນປຶກສາຫາລືກວມລວມບັນດາບັນຫາສຳຄັນທັງດ້ານການເມືອງ, ເສດຖະກິດ, ສັງຄົມ, ວັດທະນະທຳ, ສະພາບແວດລ້ອມຂອງ ອາຊຽນ ແລະ ພາກພື້ນ. ກອງປະຊຸມກໍ່ດຶງດູດຄວາມສົນໃຈຈາກສື່ມວນຊົນສາກົນຫຼາຍທີ່ສຸດນັບແຕ່ກ່ອນມາເຖິງປັດຈຸບັນເມື່ອທຽບໃສ່ກອງປະຊຸມ WEF ຢູ່ພາກພື້ນ.”

        ກ່າວຄຳເຫັນສະຫລຸບກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ຢັ້ງຢືນວ່າ: WEF ASEAN ໄດ້ບັນລຸຜົນສຳເລັດຢ່າງຈົບງາມໃນທຸກດ້ານຈາກຫົວຂໍ້, ເນື້ອໃນ, ການໂຄສະນາເຜີຍແຜ່ - ວັດທະນະທຳ ຕະຫຼອດຮອດພິທີການ, ພາລະທິການ…, ນຳ ຫວຽດນາມ ກາຍເປັນຈຸດເດັ່ນຂອງພາກພື້ນ ແລະ ໂລກ. ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ:

        “ອາດເວົ້າໄດ້ວ່າ WEF ASEAN 2018 ໄດ້ສ້າງຂີດໝາຍອັນໂດດເດັ່ນໃຫ້ແກ່ ຫວຽດນາມ ທາງດ້ານການເມືອງ, ການຕ່າງປະເທດຂອງປະເທດພວກເຮົາຕໍ່ໂລກ, ຕໍ່ພາກພື້ນ. ໃນການຢ້ຽມຢາມ ເອີລົບຂອງຂ້າພະເຈົ້າຫວ່າງແລ້ວນີ້ ກໍ່ມີປະມຸກລັດຫຼາຍທ່ານໄດ້ສະແດງຄວາມຍິນດີທີ່ມີກອງປະຊຸມມີຂອບຂະໜາດໃຫຍ່ຄືແນວນັ້ນຖືກຈັດຕັ້ງຢູ່ ຫວຽດນາມ. ມີຈຳນວນຜູ້ແທນເຂົ້າຮ່ວມຢ່າງຫຼວງຫຼາຍເຖິງກ່ວາ 1.000 ທ່ານ, ມີກຸ່ມບໍລິສັດໃຫຍ່ເສດຖະກິດ 500 ແຫ່ງ ແລະ ກຸ່ມບໍລິສັດ ຫວຽດນາມ ນັບສິບໆແຫ່ງເຂົ້າຮ່ວມ. ນີ້ແມ່ນໝາກຜົນທີ່ເປັນໜ້າຈົດຈຳ, ມັນສະແດງໃຫ້ເຫັນອິດທິພົນຊື່ສຽງ ແລະ ກຳລັງດຶງດູດຂອງ ຫວຽດນາມ ໃນເວທີສາກົນ.”

(ແຫຼ່ງຄັດຈາກ VOV)


ທ່ານ​ປະ​ທານ​ສະ​ພ​າ​ແຫ່ງ​ຊາດ ເວືອງ​ດິ່ງ​ເຫວະ ພົບ​ປະ​ກັບ​ພະ​ນັກ​ງານ, ລັດ​ຖະ​ກອນ​ສະ​ຖານ​ທູດ ຫວຽດ​ນາມ ປະ​ຈຳ ໄທ

ທ່ານ​ປະ​ທານ​ສະ​ພ​າ​ແຫ່ງ​ຊາດ ເວືອງ​ດິ່ງ​ເຫວະ ພົບ​ປະ​ກັບ​ພະ​ນັກ​ງານ, ລັດ​ຖະ​ກອນ​ສະ​ຖານ​ທູດ ຫວຽດ​ນາມ ປະ​ຈຳ ໄທ

ສອງປະເທດພວມມານະພະຍາຍາມມຸ່ງໄປເຖິງການນຳວົງເງິນການຄ້າບັນລຸລະດັບ 25 ຕື້ USD ຕາມທິດຸ່ນດ່ຽງກ່ວາ. ນີ້ແມ່ນໜ້າທີ່ຂອງສະຖານທູດ, ພິເສດແມ່ນຂອງພະນັກງານການຄ້າ.

Top