ພາຍຫຼັງໄລຍະຍາວຖືກຜົນສະທ້ອນຍ້ອນໂລກລະບາດໂຄວິດ-19, ຂະແໜງທ່ອງທ່ຽວ ຫວຽດນາມ ພວມຄ່ອຍໆຟື້ນຟູ. ໃນນັ້ນ, ການທ່ອງທ່ຽວພາຍໃນປະເທດມີການຟື້ນຟູຫຼາຍພໍສົມຄວນ, ໄດ້ຮັບຖືວ່າແມ່ນ “ຖານຊ່ວຍ” ເມື່ອການທ່ອງທ່ຽວສາກົນຍັງບໍ່ທັນໄດ້ເປີດປະຕູຄືນໃໝ່. ບຸນເຕັດປີຂານ 2022 ກໍ່ແມ່ນກາລະໂອກາດເພື່ອໃຫ້ບັນດາວິສາຫະກິດທ່ອງທ່ຽວເລີ່ມເຄື່ອນໄຫວລະດູທ່ອງທ່ຽວໃໝ່, ນຳມາເຊິ່ງຄວາມຫວັງກ່ຽວກັບປີໃໝ່ແຫ່ງການພັດທະນາກວ່າ.
ກ່ຽວກັບຕະຫຼາດທ່ອງທ່ຽວສາກົນ, ໄລ່ຮອດວັນທີ 23 ມັງກອນ 2022, ຫວຽດນາມ ໄດ້ຕ້ອນຮັບນັກທ່ອງທ່ຽວສາກົນກວ່າ 8.500 ຄົນ ມາທ່ຽວຢູ່ ຝູກວກ (ກຽນຢາງ), ແຂງຮ່ວາ, ກວາງນາມ ຕາມລາຍການທົດລອງຕ້ອນຮັບນັກທ່ອງທ່ຽວສາກົນໄລຍະທີ 1.ໂດຍຮູ້ວ່າໃນປີ 2022, ຂະແໜງທ່ອງທ່ຽວ ຫວຽດນາມ ສູ້ຊົນຕ້ອນຮັບນັກທ່ອງທ່ຽວປະມານ 65 ລ້ານເທື່ອຄົນ, ໃນນັ້ນນັກທ່ອງທ່ຽວສາກົນ 5 ລ້ານເທື່ອຄົນ, ນັກທ່ອງທ່ຽວພາຍໃນປະເທດ 60 ລ້ານເທື່ອຄົນ, ເທົ່າກັບ 150% ເມື່ອທຽບໃສ່ປີ 2021. ຍອດລາຍຮັບຈາກນັກທ່ອງທ່ຽວຄາດວ່າບັນລຸ 400.000 ຕື້ດົ່ງ (ເກືອບ 17 ຕື້ 400 ລ້ານ USD).
(ແຫຼ່ງຄັດຈາກ VOV)
