ຂ່າວສານ

ເພີ່ມທະວີການແລກປ່ຽນບົດຮຽນຮັກສາສັນຕິພາບສະຫະປະຊາຊາດລະຫວ່າງ ຫວຽດນາມ - ອາເມລິກາ

03/07/2020

ຕອນຄ່ຳວັນທີ 01 ກໍລະກົດ, ທີ່ສຳນັກງານກົມພົວພັນຕ່າງປະເທດ (ກະຊວງປ້ອງກັນປະເທດ ຫວຽດນາມ), ທ່ານພົນໂທ ຫງວຽນຈີີ໊ວີ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ມີການໂອ້ລົມທາງໂທລະສັບກັບທ່ານ David F.Helvey, ຮັກສາການຜູ້ຊ່ວຍວຽກລັດຖະມົນຕີກະຊວງປ້ອງກັນປະເທດ ອາເມລິກາ.

ຈຸດຖ່າຍທອດສົດຢູ່ຫວຽດນາມ (ພາບ: qdnd.vn)

ທີ່ການໂອ້ລົມທາງໂທລະສັບ, ສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການປ້ອງກັນ, ສະກັດກັ້ນໂລກລະບາດໂຄວິດ-19ຂອງສອງປະເທດ, ພ້ອມກັນແບ່ງປັນບັນດາຄວາມຫຍຸ້ງຍາກເຊິ່ງສອງປະເທດພວມປະເຊີນໜ້າ, ພ້ອມທັງສະແດງຄວາມຂອບໃຈຕໍ່ການໜູນຊ່ວຍເຊິ່ງກັນ ແລະ ກັນໃນການປ້ອງກັນ, ສະກັດກັ້ນໂລກລະບາດໂຄວິດ-19ໃນໄລຍະຜ່ານມາ; ເຫັນດີຈະສືບຕໍ່ເພີ່ມທະວີການຮ່ວມມື, ແລກປ່ຽນບົດຮຽນກ່ຽວກັບບັນຫານີ້.

ກ່ຽວກັບການພົວພັນສອງຝ່າຍ, ສອງຝ່າຍເຫັນດີໃນໄລຍະຈະມາເຖິງຈະຊຸກຍູ້ບັນດາຂົງເຂດການຮ່ວມມືໃຫ້ເໝະສົມກັບການພົວພັນລວມ, ໃນນັ້ນໃຫ້ບຸລິມະສິດຂົງເຂດແກ້ໄຂຜົນຮ້າຍຢ້ອນຫລັງຈາກສົງຄາມ ແລະ ຮັກສາສັນຕິພາບສະຫະປະຊາຊາດ.

ສອງຝ່າຍກໍ່ແລກປ່ຽນກ່ຽວກັບສະພາບການຢູ່ພາກພື້ນ, ໃນໂລກທີ່ຕ່າງຝ່າຍຕ່າງມີຄວາມສົນໃຈ ແລະ ເຫັນດີການຕໍ່ເຄົາລົບກົດໝາຍສາກົນໃນການແກ້ໄຂການຂັດແຍ້ງກັນແມ່ນມາດຕະການສຳຄັນປະກອບສ່ວນໃຫ້ແກ່ການກໍ່ສ້າງຄວາມໄວ້ເນື້ອເຊື່ອໃຈ, ປະກອບສ່ວນໃຫ້ແກ່ສັນຕິພາບ, ສະຖຽນລະພາບ, ພັດທະນາລວມຂອງພາກພື້ນ ແລະ ໂລກ.

(ແຫຼ່ງຄັດຈາກ VOV)

ຄະນະຜູ້ແທນຂັ້ນສູງ ລາວ, ກຳປູເຈຍ ຈະເຂົ້າຮ່ວມພິທີສະເຫຼີມສະຫຼອງ 50 ປີ ແຫ່ງວັນປົດປ່ອຍພາກໃຕ້

28/04/2025
ຂ່າວສານ

ຄະນະຜູ້ແທນຂັ້ນສູງພັກ ແລະ ລັດ ລາວ ໂດຍທ່ານເລຂາທິການໃຫຍ່ພັກປະຊາຊົນປະຕິວັດລາວ, ປະທານປະເທດແຫ່ງ ສປປ. ລາວ ທອງລຸນ ສີສຸດລິດ ຈະນຳໜ້າຄະນະມາເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັດປົດປ່ອຍພາກໃຕ້ ຫວຽດນາມ, ທ້ອນໂຮມປະເທດຊາດເປັນເອກະພາບ ແຕ່ວັນທີ 28 – 30 ເມສາ 2025;