ຂ່າວສານ

ເປີດສະຫຼອງບ້ານວັດທະນະທຳທີ່ເປັນມູນເຊື້ອບັນດາເຜົ່າສ່ວນໜ້ອຍເມືອງ ອາເລືອຍ

07/09/2024

ທີ່ພິທີເປີດສະຫຼອງ, ເມືອງ ອາເລືອຍ ໄດ້ວາດພາບຄືນງານບຸນຈຳນວນໜຶ່ງຂອງແຕ່ລະຊົນເຜົ່າໃນເຂດວັດທະນະທຳຂອງບັນດາເຜົ່າ.

(ທີ່ພິທີເປີດສະຫຼອງ)

ຕອນເຊົ້າວັນທີ 06 ກັນຍາ, ຄະນະກຳມະການປະຊາຊົນເມືອງ ອາເລືອຍ, ແຂວງ ເທື່ອທຽນເຫ້ວ ໄດ້ຈັດພິທີເປີດສະຫຼອງບ້ານວັດທະນະທຳທີ່ເປັນມູນເຊື້ອບັນດາເຜ່າສ່ວນໜ້ອຍຢູ່ຕາແສງ ຮົ່ງເທື້ອງ, ເມືອງ ອາເລືອຍ, ພາຍຫຼັງຜັນຂະຫຍາຍກໍ່ສ້າງເປັນເວລາ 2 ປີ.

ບ້ານວັດທະນະທຳທີ່ເປັນມູນເຊື້ອບັນດາເຜົ່າສ່ວນໜ້ອຍເມືອງ ອາເລືອຍ ມີເນື້ອທີ່ 5 ເຮັກຕາ, ດ້ວຍຍອດເງິນລົງທຶນເກືອບ 20,8 ຕື້ດົ່ງ (ປະມານ 845.000 USD) ຈາກແຫຼ່ງທຶນ ໂຄງການເປົ້າໝາຍແຫ່ງຊາດພັດທະນາເສດຖະກິດ, ສັງຄົມເຂດຊົນເຜົ່າສ່ວນໜ້ອຍ ແລະ ເຂດພູດອຍໄລຍະ 2021 – 2030, ໄລຍະ 1 ແຕ່ປີ 2021 – 2025.

ທີ່ພິທີເປີດສະຫຼອງ, ເມືອງ ອາເລືອຍ ໄດ້ວາດພາບຄືນງານບຸນຈຳນວນໜຶ່ງຂອງແຕ່ລະຊົນເຜົ່າໃນເຂດວັດທະນະທຳຂອງບັນດາເຜົ່າ, ຄື: ງານບຸນ ອາ ເຣວ ກາ ຂອງຊົນເຜົ່າ ປາໂກ; ງານບຸນ ກລິງ ຕາງ (ພິທີພູຊາຟ້າແຖນ) ຂອງຊາວ ຕ່າໂອຍ, ງານບຸນ ເອິນນິງ ຂອງຊາວ ເກີຕູ.

(ແຫຼ່ງຄັດຈາກ VOV)

ຫວຽດນາມ ຕັ້ງໜ້າສ້າງອະນຸພາກພື້ນແມ່ນ້ຳຂອງພັດທະນາຢ່າງວັດທະນາຖາວອນ

05/11/2024
ຂ່າວສານ

ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີ ແຫ່ງ ສປ. ຈີນ ຫຼີຊຽງ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຈະເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງ ເປີດກວ້າງ ຄັ້ງທີ 8 (GMS 8), ແຕ່ວັນທີ 5 – 8 ພະຈິກ ຢູ່ ຈີນ. ໂດຍແມ່ນປະເທດສະມາຊິກທີ່ຕິດພັນກັບຜົນປະໂຫຍດຂອງກົນໄກຮ່ວມມືນີ້, ຫວຽດນາມ ຍາມໃດກໍມານະພະຍາຍາມ, ຕັ້ງໜ້າຊຸກຍູ້ການຮ່ວມມື, ເພື່ອແນໃສ່ສ້າງອະນຸພາກພື້ນແມ່ນ້ຳຂອງສັນຕິພາບ, ສະຖຽນລະພາບ ແລະ ພັດທະນາຢ່າງວັດທະນາຖາວອນ.