• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເປັນ​ຄັ້ງ​ທຳ​ອິດ​ທີ່ ຫວຽດ​ນາມ ຈັດ​ສົ່ງ​ນາຍ​ທະ​ຫານ​ເຂົ້າ​ຮ່ວມ​ການ​ຮັກ​ສາ​ສັນ​ຕິ​ພາບ ສ​ປ​ຊ ປະ​ຈຳ ​ຢູ່ຄະ​ນະ​ປະ​ຕິ​ບັດງານ UNISFA

ວັນທີ 28 ມັງກອນ, ຢູ່ຮ່າໂນ້ຍ, ກະຊວງປ້ອງກັນປະເທດ ຈັດຕັ້ງພິທີມອບຂໍ້ຕົກລົງຂອງ ປະທານປະເທດ ໃຫ້ແກ່ ນາຍທະຫານ 7 ຄົນ ໄປປະຕິບັດການຮັກສາສັນຕິພາບ ສປຊ ຢູ່ຄະນະປະຕິບັດຄວາມໝັ້ນຄົງຊົ່ວຄາວ ຂອງ ສປຊ (UNISFA) ຢູ່ Abyei - ໂດຍແມ່ນເຂດທີ່ມີການປະທະກັນລະຫວ່າງ ຊູດັງ ແລະ ຊູດັງໃຕ້.
ພິທີມອບຂໍ້ຕົກລົງຂອງ ປະທານປະເທດ ໃຫ້ແກ່ ນາຍທະຫານ 7 ຄົນ ໄປປະຕິບັດການຮັກສາສັນຕິພາບ ສປຊ  (ພາບ: qdnd.vn)

ທ່ານພົນໂທ ຮ່ວາງຊວັນຈຽນ, ຮອງລັດຖະມົນຕີ ກະຊວງປ້ອງກັນປະເທດ ຫວຽດນາມ, ຫົວໜ້າກຸ່ມປະຕິບັດງານລະຫວ່າງຂະແໜງ, ຫົວໜ້າຄະນະຊີ້ນຳກະຊວງປ້ອງກັນປະເທດກ່ຽວກັບການເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ໃຫ້ຮູ້ວ່າ: UNISFA ແມ່ນຄະນະປະຕິບັດງານໃໝ່, ນີ້ແມ່ນຄັ້ງທຳອິດ ຫວຽດນາມ ຜັນຂະຫຍາຍກຳລັງນີ້ ຕາມຄຳເຊື້ອເຊີນຂອງ ສປຊ, ນີ້ກໍ່ແມ່ນຄະນະປະຕິບັດງານ ທີ່ໃນໄລຍະຈະມາເຖິງ, ຫວຽດນາມ ຈະຜັນຂະຫຍາຍ ກອງທະຫານຊ່າງແສງ, ເພາະສະນັ້ນ, ນາຍທະຫານ 7 ຄົນ ນອກຈາກການປະຕິບັດໜ້າທີ່ ໂດຍສປຊ ມອບໝາຍໃຫ້ ເປັນຢ່າງດີ, ແລ້ວຍັງຕ້ອງສ້າງການພົວພັນກັບຄະນະປະຕິບັດງານ, ທ້ອງຖິ່ນ ໃຫ້ເປັນຢ່າງດີເພື່ອໜູນຊ່ວຍໃຫ້ແກ່ກອງທະຫານຊ່າງແສງອີກດ້ວຍ. ທ່ານພົນໂທ ຮ່ວາງຊວັນຈຽນ ກໍ່ຫວັງວ່າ ບັນດານາຍທະຫານຈະສືບຕໍ່ຮັກສາມູນເຊື້ອ, ລະບຽບວິໄນ ຂອງກອງທັບ, ປະຕິບັດແນວທາງການຕ່າງປະເທດຂອງພັກ, ລັດ ຢ່າງເຂັ້ມງວດ, ເສີມຂະຫຍາຍຈິດໃຈສາມັກຄີກັນລວມໝູ່ຢ່າງສຸດຂີດ.

ໃນໂອກາດນີ້, ກະຊວງປ້ອງກັນປະເທດ ກໍ່ສະຫຼຸບການປະຕິບັດສຳເລັດອາຍຸການໃຫ້ແກ່ນາຍທະຫານຢູ່ຄະນະປະຕິບັດ ຮັກສາສັນຕິພາບ ສປຊ ຢູ່ ຊູດັງໃຕ້ (UNMISS) ແລະ ສ.ອາຟຼິກກາກາງ (MINUSCA).

(ແຫຼ່ງຄັດຈາກ VOV)

ໄຂງານບຸນດອກບັກວິດ ພະລັງຊີວິດເຂດພູພຽງຫີນ

ໄຂງານບຸນດອກບັກວິດ “ພະລັງຊີວິດເຂດພູພຽງຫີນ”

ຕອນຄຳວັນທີ 26 ພະຈິກ ຢູ່ເມືອງ ດົ່ງວັນ ແຂວງ ຮ່າຢາງ ງານບຸນດອກບັກວິດຄັ້ງທີ 8 ປີ 2022 ໄດ້ໄຂຂຶ້ນຢ່າງເປັນທາງການ ເຊິ່ງມີການເຂົ້າຮ່ວມຂອງແຂກທ່ອງທ່ຽວຈາກທຸກສາລະທິດ.

Top