ຂ່າວສານ

ເຊື່ອມຕໍ່ຮ່ວມມືພັດທະນາການທ່ອງທ່ຽວນະຄອນໂຮ່ຈີມິນ ແລະ 13 ແຂວງ, ນະຄອນເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ

19/03/2022

ໂຄງການເຊື່ອມຕໍ່ການຮ່ວມມືພັດທະນາການທ່ອງທ່ຽວນະຄອນໂຮ່ຈີມິນ ກັບ 13 ແຂວງ, ນະຄອນເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ແລະ ປຸກລະດົມ “ການເປີດປະຕູທ່ອງທ່ຽວຄືນໃໝ່ໃນເງື່ອນໄຂປົກກະຕິໃໝ່” ໄດ້ດຳເນີນໃນວັນທີ 18 ມີນາຢູ່ນະຄອນ ບາກລຽວ, ແຂວງ ບາກລຽວ.

ພາບປະກອບ: TTXVN

ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ດ່ວານວັນວຽດ ໃຫ້ຮູ້ວ່າ ນະຄອນໂຮ່ຈີມິນ ແລະ 13 ແຂວງ, ນະຄອນເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ໄດ້ກຳນົດຈຸດສຸມຂົງເຂດ ເຊື່ອມຕໍ່ການຮ່ວມມື ແລະ ລົງນາມຂໍ້ກຳນົດ, ຂໍ້ຕົກລົງຮ່ວມມືລະຫວ່າງເຂດ. ນີ້ແມ່ນພື້ນຖານສຳຄັນ ເພື່ອໃຫ້ບັນດາທ້ອງຖິ່ນຍູ້ແຮງຜັນຂະຫຍາຍການເຄື່ອນໄຫວເລີ່ມຕົ້ນການທ່ອງທ່ຽວຄືນໃໝ່ໃຫ້ແທດຈິງ, ມີປະສິດທິຜົນໃນໄລຍະຈະມາເຖິງ. ໃນໂອກາດນີ້, ນະຄອນໂຮ່ຈີມິນ ແລະ 13 ແຂວງ, ນະຄອນເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມໄດ້ລົງນາມການຮ່ວມມືພັດທະນາການທ່ອງທ່ຽວ ແລະ ປຸກລະດົມ “ການເປີດປະຕູທ່ອງທ່ຽວຄືນໃໝ່ໃນເງື່ອນໄຂປົກກະຕິໃໝ່”.

(ແຫຼ່ງຄັດຈາກ VOV)

ຫວຽດນາມ ຍູ້ແຮງການພົວພັນຕ່າງປະເທດສອງຝ່າຍຢູ່ AMM-58

12/07/2025
ຂ່າວສານ

ເນື່ອງໃນໂອກາດເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 58 ຢູ່ Kuala Lumpur (ມາເລເຊຍ), ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ໄດ້ພົບປະກັບທ່ານລັດຖະມົນຕີການຕ່າງປະເທດ ບັນດາປະເທດ ຍີ່ປຸ່ນ, ຈີນ, ສະວິດ.