• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຮັກສາ ແລະ ເສີມຂະຫຍາຍສາຍພົວພັນແບບພິເສດລາວ-ຫວຽດນາມ

ການຢ້ຽມຢາມແມ່ນກາລະໂອກາດທີ່ດີເພື່ອໃຫ້ 2 ຝ່າຍປຶກສາຫາລືກ່ຽວກັບບັນດາຍຸດທະສາດ, ທິດທາງການຮ່ວມມືໃນໄລຍະຈະມາເຖິງ, ປະກອບສ່ວນສຳຄັນເຂົ້າໃນການພົວພັນ, ຮ່ວມມືຢ່າງຮອບດ້ານລະຫວ່າງ 2 ປະເທດ.
ການພົບປະເຈລະຈາລະຫວ່າງການນຳ 2 ປະເທດ. (ພາບປະກອບ: TTXVN)

ໜັງສືພິມ ປະເທດລາວ ຂອງສຳນັກຂ່າວສານ ລາວ ໄດ້ເນັ້ນໜັກວ່າ: ການເດີນທາງໄປຢ້ຽມຢາມຫວຽດນາມ ຂອງທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ພ້ອມດ້ວຍພັນລະຍາ ຕາມຄຳເຊື້ອເຊີນຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຝູຈ້ອງ ພ້ອມດ້ວຍພັນລະຍາ; ທ່ານປະທານປະເທດຫວຽດນາມ ຫວຽນຊວັນຟຸກ ພ້ອມດ້ວຍພັນລະຍາ, ໄດ້ເປັນການເພີ່ມພູນຄູນສ້າງໃຫ້ແກ່ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ. ການໄປຢ້ຽມຢາມຄັ້ງນີ້ກໍ່ເປັນການຢັ້ງຢືນອີກເທື່ອໜຶ່ງທີ່ວ່າ ເຖິງວ່າສະພາບການພາກພື້ນ ແລະ ໂລກພວມປະເຊີນໜ້າກັບສິ່ງທ້າທາຍຫຼາຍຢ່າງ ຍ້ອນການແຜ່ລະບາດທີ່ສັບສົນຂອງໂລກລະບາດໂຄວິດ-19 ກໍຕາມ, ແຕ່ 2 ພັກ, 2 ລັດ ລາວ - ຫວຽດນາມ ຈະສືບຕໍ່ປົກປັກຮັກສາ, ເພີ່ມພູນຄູນສ້າງ ແລະ ເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງລາວ-ຫວຽດນາມ, ຫວຽດນາມ - ລາວ.

        ໃນຂະນະນັ້ນ, ໜັງສືພິມປະຊາຊົນຂອງລາວ ກໍ່ເນັ້ນໜັກວ່າ, ການຢ້ຽມຢາມແມ່ນກາລະໂອກາດທີ່ດີເພື່ອໃຫ້ 2 ຝ່າຍປຶກສາຫາລືກ່ຽວກັບບັນດາຍຸດທະສາດ, ທິດທາງການຮ່ວມມືໃນໄລຍະຈະມາເຖິງ, ປະກອບສ່ວນສຳຄັນເຂົ້າໃນການພົວພັນ, ຮ່ວມມືຢ່າງຮອບດ້ານລະຫວ່າງ 2 ປະເທດ.

          ໃນຊຸມມື້ຜ່ານມາ, ບັນດາພາຫະນະສື່ມວນຊົນອື່ນໆຂອງລາວຄື: ວິທະຍຸກະຈາຍສຽງ, ໂທລະພາບແຫ່ງຊາດລາວ ກໍ່ໄດ້ລົງບົດຂຽນຫຼາຍບົດກ່ຽວກັບການພົວພັນລະຫວ່າງ 2 ປະເທດ ເນື່ອງໃນໂອກາດການຢ້ຽມຢາມສັນຖະວະໄມຕີມິດຕະພາບຫວຽດນາມ ຢ່າງເປັນທາງການຂອງເລຂາທິການໃຫຍ່, ປະທານປະເທດສປປ.ລາວ ທອງລຸນ ສີສຸລິດ ເຊັ່ນດຽວກັນ.

(ແຫຼ່ງຄັດຈາກ VOV)

ທ່ານນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: ໄຊ​ຊະ​ນະ ດ້ຽນ​ບຽນ​ຝູ ເປັນ​ບົດ​ເພງ​ອຳ​ມະ​ຕະຕະຫຼອດ​ໄປ

ທ່ານນາ​ຍົກ​ລັດ​ຖະ​ມົນ​ຕີ ຟ້າມ​ມິງ​ຈິງ: “ໄຊ​ຊະ​ນະ ດ້ຽນ​ບຽນ​ຝູ ເປັນ​ບົດ​ເພງ​ອຳ​ມະ​ຕະຕະຫຼອດ​ໄປ”

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະ, ສະແດງຄວາມຮູ້ບຸນຄຸນຕໍ່ບັນດານັກຮົບ ດ້ຽນບຽນ, ຊາວໜຸ່ມຕະລຸມບອນ, ຄົນງານເກນເຂົ້າຮ່ວມຮັບໃຊ້ບັ້ນຮົບດ້ຽນບຽນຝູ ໂດຍກົງ, ເນື່ອງໃນໂອກາດສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ (7/5/1954 - 7/7/2024).

Top