ເຂົ້າຮ່ວມກອງປະຊຸມສຳມະນາ ມີເຈົ້າໜ້າທີ່, ນັກຄົ້ນຄວ້າ ແລະ ນັກຊ່ຽວຊານດ້ານນິຕິກຳ, ຜູ້ຕາງໜ້າສະຖານທູດບັນດາປະເທດ ອາຊຽນ ແລະ ຈີນ ພ້ອມດ້ວຍຜູ້ຕາງໜ້າບັນດາກະຊວງ, ຂະແໜງການ, ອົງການຈັດຕັ້ງສັງຄົມ, ສະຖາບັນຄົ້ນຄວ້າຂອງ ຫວຽດນາມ ແລະ ບາງອົງການຈັດຕັ້ງສາກົນ.
ກອງປະຊຸມສຳມະນາ ອາຊຽນ - ຈີນ ກ່ຽວກັບການຊຸກຍູ້ການຮ່ວມມືກັນໃນການປະພຶດຕໍ່ຊາວປະມົງຢ່າງຍຸຕິທຳ ແລະ ມະນຸດສະທຳ (ພາບ: baoquocte.vn)
ຜູ້ແທນບັນດາປະເທດ ອາຊຽນ ໄດ້ແບ່ງປັນວ່າ ການເຄື່ອນໄຫວຈັບຫາປາເກືອບທັງໝົດຂອງປະເທດຕົນແມ່ນມີຂອບຂະໜາດນ້ອຍ, ເຕັກໂນໂລຢີຫຼ້າຫຼັງ, ດັ່ງນັ້ນ ຕ້ອງການມີການຊ່ວຍເຫຼືອຍາວນານ. ກ່ຽວກັບກອບນິຕິກຳ, ທີ່ກອງປະຊຸມດັ່ງກ່າວກໍໄດ້ຮັບຮູ້ຂໍ້ກຳນົດກ່ຽວກັບການຮັບປະກັນຄວາມປອດໄພດ້ານຊີວິດອິນຊີ, ການປະພຶດມະນຸດສະທຳຕໍ່ຊາວປະມົງທີ່ໄດ້ລະບຸໃນຂໍ້ຕົກລົງ, ສັນຍາຫຼາຍສະບັບ ກໍຄື ທຳນຽມສາກົນ. ຜູ້ແທນຫຼາຍທ່ານຖືວ່າ ຕ້ອງມີວິທີການສຳຜັດແບບກວມລວມກວ່າໃນຂົງເຂດຮັບປະກັນຄວາມປອດໄພ, ຊີວິດອິນຊີ ແລະ ການປະພຶດຕໍ່ຊາວປະມົງ. ທີ່ກອງປະຊຸມສຳມະນາ, ບັນດາຜູ້ແທນກໍໄດ້ຮັບຟັງໝາກຜົນການຄົ້ນຄວ້າ ແລະ ຂໍ້ສະເໜີແນະຂອງບາງອົງການຈັດຕັ້ງໃນພາກພື້ນ ກ່ຽວກັບຄວາມອາດສາມາດ, ມາດຕະການຊຸກຍູ້ການຮ່ວມມື ກ່ຽວກັບການປະພຶດຕໍ່ຊາວປະມົງຢ່າງຍຸຕິທຳ ແລະ ມະນຸດສະທຳ.
(ແຫຼ່ງຄັດຈາກ VOV)
