ຂ່າວສານ

ອາຊຽນ 2020: ຫວຽດນາມ ປະກອບສ່ວນເຂົ້າໃນບັນດາເປົ້າໝາຍ, ຂໍ້ລິເລີ່ມ ແລະ ໂຄງການຮ່ວມມືໃນ ອາຊຽນ

19/08/2020

ດ້ວຍຖານະບົດບາດເປັນປະທານ ອາຊຽນ 2020, ຫວຽດນາມ ໄດ້ມີ “ບົດບາດຕັ້ງໜ້າ ແລະ ສຳເລັດຜົນເປັນໜ້າຊື່ນຊົມ”, ພິເສດແມ່ນໃນການນຳພາປະຕິບັດບັນດາຂໍ້ລິເລີ່ມ ແລະ ບຸລິມະສິດຂອງ ອາຊຽນ ໃນສະພາບການບັນດາປະເທດໃນພາກພື້ນ ແລະ ໃນໂລກພວມປະເຊີນໜ້າກັບບັນດາສິ່ງທ້າທາຍຈາກໂລກລະບາດໂຄວິດ-19.

ຕາມທ່ານເອກອັກຄະລັດຖະທູດ - ຫົວໜ້າຄະນະຜູ້ຕາງໜ້າ ລາວ ປະຈຳ ອາຊຽນ
ເອກະພາບ ພັນທະວົງ (ພາບ: TTXVN)

ຕາມທ່ານເອກອັກຄະລັດຖະທູດ - ຫົວໜ້າຄະນະຜູ້ຕາງໜ້າ ລາວ ປະຈຳ ອາຊຽນ ເອກະພາບ ພັນທະວົງ ແລ້ວ, ຫວຽດນາມ ໄດ້ປະກອບສ່ວນເພີ່ມທະວີບັນດາຄວາມມານະພະຍາຍາມ ແລະ ການພົວພັນຄູ່ຮ່ວມມືຂອງ ອາຊຽນ ແນໃສ່ກະກຽມໃຫ້ແກ່ການປ້ອງກັນ, ຕ້ານ ແລະ ຫລຸດຜ່ອນບັນດາການກະທົບຈາກໂລກລະບາດທີ່ມີຕໍ່ວິທີຫາເງິນລ້ຽງຊີບຂອງປະຊາຊົນລົງ ກໍ່ຄືພື້ນຖານເສດຖະກິດ, ໃນນັ້ນ ມີການສ້າງຕັ້ງກອງທຶນ ອາຊຽນ ຮັບມືກັບໂລກລະບາດໂຄວິດ-19, ສ້າງສາງສະສົມອຸປະກອນການແພດຈຳເປັນ.

ທ່ານເອກອັກຄະລັດຖະທູດ ເອກະພາບ ພັນທະວົງ ສະແດງຄວາມເຊື່ອໝັ້ນຢ່າງແຮງວ່າ ຫວຽດນາມ ຈະສືບຕໍ່ປະກອບສ່ວນສຳຄັນ ແນໃສ່ບັນລຸໄດ້ບັນດາເປົ້າໝາຍ, ຂໍ້ລິເລີ່ມ ແລະ ໂຄງການຮ່ວມມືໃນ ອາຊຽນ ແລະ ລະຫວ່າງ ອາຊຽນ ກັບບັນດາຄູ່ຮ່ວມມືພາຍນອກ ແນໃສ່ປັບປຸງປະຊາຄົມ ອາຊຽນ ໃຫ້ໝັ້ນຄົງເຂັ້ມແຂງ.

(ແຫຼ່ງຄັດຈາກ VOV)

ໂອກາດຢຸດຕິການປະທະກັນຢູ່ພາກພື້ນຕາເວັນອອກກາງ ຈາກແຜນການ 15 ຂໍ້

28/03/2026
ຂ່າວສານ

ພາຍຫຼັງການປະທະກັນຢູ່ພາກພື້ນຕາເວັນອອກກາງ ລະຫວ່າງ ອາເມລິກາ - ອິດສະລາແອັນກັບອີຣານ ລະເບີດຂຶ້ນເປັນເວລາ 1 ເດືອນ ແລະ ມີຄວາມເຄັ່ງຕຶງເພີ່ມຂຶ້ນຢ່າງແຮງນັ້ນ ເປັນຄັ້ງທຳອິດ ການປະທະກັນນັ້ນມີໂອກາດໄດ້ຮັບການແກ້ໄຂດ້ວຍເສັ້ນທາງໂອ້ລົມສົນທະນາ, ເມື່ອຝ່າຍອາເມລິກາ ສະເໜີ ແຜນການ 15 ຂໍ້ ກັບອີຣານ ເພື່ອແນໃສ່ຢຸດຕິການປະທະກັນ. ເຖິງຢ່າງໃດກໍຕາມ, ບັນດາຄວາມສ່ຽງການປະທະກັນເພີ່ມຂຶ້ນແມ່ນຍັງໃຫຍ່ຫຼວງທີ່ສຸດ.