ວັນທີ 25 ມີນາ, ຢູ່ ຈາກາຕາ, ປະເທດ ອິນໂດເນເຊຍ ໄດ້ດຳເນີນກອງປະຊຸມຄະນະກຳມະການຮ່ວມມືຮ່ວມ ອາຊຽນ - ຍີ່ປຸ່ນ ຄັ້ງທີ 16 ຢູ່ທີ່ນີ້ 2 ຝ່າຍໄດ້ເນັ້ນໜັກເຖິງຄຳໝັ້ນສັນຍາຊຸກຍູ້ການພົວພັນຄູ່ຮ່ວມມືກວ່າອີກ ເພື່ອມຸ່ງໄປເຖິງພິທີສະເຫຼຼີມສະຫຼອງ 50 ປີແຫ່ງວັນສ້າງຕັ້ງການພົວພັນລະຫວ່າງ ອາຊຽນ - ຍີ່ປຸ່ນ ໃນປີ 2023. 2 ຝ່າຍໄດ້ເຫັນດີສືບຕໍ່ເພີ່ມທະວີການຮ່ວມມືໃນບັນດາຂົງເຂດທີ່ຕ່າງຝ່າຍຕ່າງມີຄວາມສົນໃຈ, ລວມທັງການຄ້າ ແລະ ການລົງທຶນ, ທ່ອງທ່ຽວ, ຄຸ້ມຄອງໄພທຳມະຊາດ, ສາທາລະນະສຸກ, ການພັດທະນາແບບຍືນຍົງ, ການພົບປະແລກປ່ຽນປະຊາຊົນ… ກໍຄືການຟື້ນຟູພາຍຫຼັງໂລກລະບາດໂຄວິດ-19 ໄດ້ຮັບການຄວບຄຸມ; ຊຸກຍູ້ການຮ່ວມມືທາງດ້ານເສດຖະກິດກວ່າອີກ, ໃນນັ້ນມີການຜັນຂະຫຍາຍສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP).
ເມື່ອແລກປ່ຽນທັດສະນະກ່ຽວກັບບັນດາການຜັນແປຢູ່ ອາຊຽນ ແລະ ຍີ່ປຸ່ນ, ກໍຄືບັນດາບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈ, ຍີ່ປຸ່ນ ໄດ້ຢືນຢັນຄືນໃໝ່ການສະໜັບສະໜູນວິໄສທັດ ອາຊຽນ ກ່ຽວກັບ ມະຫາສະໝຸດອິນເດຍ - ປາຊີຟິກ (AOIP). 2 ຝ່າຍກໍ່ເຫັນດີເພີ່ມທະວີການຮ່ວມມືຢ່າງແທດຈິງ ອາຊຽນ - ຍີ່ປຸ່ນ ໃນ 4 ຂົງເຂດດັ່ງກ່າວໃນ AOIP, ສອດຄ່ອງກັບຖະແຫຼງການຮ່ວມ ອາຊຽນ - ຍີ່ປຸ່ນ ກ່ຽວກັບການຮ່ວມມື AOIP ເຊິ່ງບັນດາການນຳໄດ້ຮັບຮອງເອົາໃນປີ 2020.
