ຂ່າວສານ

ອາຊຽນໃຫ້ຄຳໝັ້ນສັນຍາຮັບປະກັນຄວາມໝັ້ນຄົງດ້ານສະບຽງອາຫານໃນໄລຍະເກີດໂລກລະບາດ Covid – 19

19/04/2020

ວັນທີ 17 ເມສາ, ຖະແຫຼງການຮ່ວມໄດ້ຍົກອອກຢູ່ກອງປະຊຸມລັດຖະມົນຕີກະສິກຳ, ປ່າໄມ້ ອາຊຽນ (AMAF) ເຊິ່ງມີຈຸດເລີ່ມຕົ້ນມາຈາກບັນດາຄວາມວິຕົກກັງວົນອັນເລິກເຊິ່ງກ່ຽວກັບຜົນກະທົບທີ່ຊ້ອນແຝງຂອງ ໂລກລະບາດ Covid – 19 ສຳລັບການຮ່ວມມືຂອງບັນດາປະເທດ ອາຊຽນ ໃນບັນດາຂົງເຂດຄື ສະບຽງອາຫານ, ກະສິກຳ, ປ່າໄມ້ ແລະ ການຢຸດສະງັກຂອງລະບົບສະໜອງສະບຽງອາຫານຢູ່ພາກພື້ນນີ້.

(ພາບປະກອບ:TTXVN)

ທ່ານ Dato Ali Apong ລັດຖະມົນຕີກະຊວງຊັບພະຍາກອນທຳມະຊາດ ແລະ ການທ່ອງທ່ຽວ ບຣູໄນ ປະທານ AMAF ຢັ້ງຢືນວ່າ ອາຊຽນຈະສືບຕໍ່ຮ່ວມມືເພື່ອແນໃສ່ຮັບປະກັນການສະໜອງສະບຽງອາຫານຢ່າງຄົບຖ້ວນ, ມີຄຸນນະພາບ, ປອດໄພ ເພື່ອຕອບສະໜອງຄວາມຮຽກຮ້ອງຕ້ອງການຂອງປະຊາຊົນ ໃນພາກພື້ນ ແລະ ພາຍຫຼັງເກີດໂລກລະບາດ Covid - 19. AMAF ຮຽກຮ້ອງໃຫ້ບັນດາປະເທດສະມາຊິກອາຊຽນຜັນຂະຫຍາຍການປະຕິບັດບັນດາມາດຕະການ, ໂຄງການ ແລະ ລາຍການທີ່ຈຳເປັນຢູ່ໃນລະດັບຊາດ ເພື່ອແນໃສ່ຕອບສະໜອງຄວາມຕ້ອງການດ້ານສະບຽງອາຫານໃນຕໍ່ໜ້າໃຫ້ແກ່ປະຊາຊົນ, ພິເສດແມ່ນກຸ່ມຄົນທີ່ມີຄວາມສ່ຽງສູງກ່ວາໝູ່ໃນສັງຄົມ.

ຄຽງຄູ່ກັນນັ້ນ AMAF ກໍ່ເນັ້ນໜັກເຖິງຄວາມຈຳເປັນໃນການຊຸກຍູ້ບັນດາໂຄງການໜູນຊ່ວຍສັງຄົມໃຫ້ແກ່ຊາວກະສິກອນທີ່ຜະລິດດ້ວຍຂອບຂະໜາດນ້ອຍ, ບັນດາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງເພື່ອແນໃສ່ເພີ່ມທະວີປະລິມານສະບຽງອາຫານ ແລະ ຮັບປະກັນຄວາມໝັ້ນຄົງດ້ານສະບຽງອາຫານໃນພາກພື້ນ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.