ຂ່າວສານ

ອັດງານ Festival ດອກໄມ້ ດ່າລາດ ຄັ້ງທີ 8 ປີ 2019

26/12/2019

ພາຍຫຼັງຈັດຕັ້ງມາເປັນເວລາ 5 ວັນ, Festival ດອກໄມ້ ດ່າລາດ ຄັ້ງທີ 8 ປີ 2019 ໄດ້ອັດລົງໃນຕອນຄ່ຳວັນທີ 24 ທັນວາ.

Festival ດອກໄມ້ ດ່າລາດ ຄັ້ງທີ 8 ປີ 2019 ໄດ້ອັດລົງໃນຕອນຄ່ຳວັນທີ 24 ທັນວາ
(ພາບປະກອບ: TTXVN)

ດ້ວຍຫົວຂໍ້ວ່າ “ດ່າລາດ ແລະ ດອກໄມ້”, Festival ດອກໄມ້ ດ່າລາດ ຄັ້ງທີ 8 ລວມມີການເຄື່ອນໄຫວຕົ້ນຕໍ 12 ລາຍການ ແລະ 30 ລາຍການອື່ນອີກເຊິ່ງໄດ້ດຳເນີນຢູ່ນະຄອນດ່າລາດ ແລະ ບ໋າວລົກ, ແຂວງ ເລິ່ມດົ່ງ, ອັນໄດ້ດຶງດູດປະຊາຊົນຢູ່ທ້ອງຖິ່ນເປັນຈຳນວນຫຼວງຫຼາຍ ແລະ ນັກທ່ອງທ່ຽວກວ່າ 250.000 ເທື່ອຄົນ, ໃນນັ້ນມີນັກທ່ອງທ່ຽວສາກົນ 20.000 ເທື່ອຄົນ. ທ່ານ ໂຕນທ້ຽນຊານ, ປະທານຄະນະກຳມະການປະຊາຊົນນະຄອນດ່າລາດ, ຢືນຢັນວ່າ: ຜ່ານການຈັດຕັ້ງມາເປັນ 8 ຄັ້ງ, Festival ດອກໄມ້ ດ່າລາດ ໄດ້ກາຍເປັນເຫດການພົ້ນເດັ່ນ, ເປັນເອກະລັກສະເພາະຂອງນະຄອນດ່າລາດ, ໄດ້ປະກອບສ່ວນຊຸກຍູ້ການພັດທະນາດ້ານກະສິກຳ ແລະ ການທ່ອງທ່ຽວຢູ່ເຂດນີ້.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.