• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫັນເປັນດີຈີຕອນ: ກຳລັງໜູນໃນການພັດທະນາ

      ໜຶ່ງໃນບັນດາຂັ້ນຕອນບຸກທະລຸໃນມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກ ແມ່ນສ້າງລະບົບພື້ນຖານໂຄງລ່າງຢ່າງຄົບຊຸດ, ທັນສະໄໝ ນັບທັງດ້ານເສດຖະກິດ ແລະ ສັງຄົມ, ເອົາໃຈໃສ່ພັດທະນາພື້ນຖານໂຄງລ່າງຂໍ້ມູນຂ່າວສານ, ໂທລະຄົມມະນາຄົມ, ສ້າງພື້ນຖານເຫັນເປັນດີຈີຕອນແຫ່ງຊາດ, ພັດທະນາເສດຖະກິດດີຈີຕອນ, ສັງຄົມດີຈີຕອນເທື່ອລະກ້າວ
ພາບປະກອບ: IADB
      ມະຕິຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດ ຫວຽດນາມ ໄດ້ຍົກໃຫ້ເຫັນການກຳນົດທິດຂອງບັນດາປັດໄຈຫຼັກແຫຼ່ງກ່ຽວກັບການພັດທະນາເສດຖະກິດ - ສັງຄົມ ໄລຍະ 5 ປີ 2021 – 2025, ກຳນົດທິດການພັດທະນາປະເທດຊາດ ໄລຍະ 2021 – 2030 ແລະ 6 ໜ້າທີ່ຈຸດສຸມໃນອາຍຸການກອງປະຊຸມໃຫຍ່ ຄັ້ງທີ 13. ມະຕິໄດ້ຍົກອອກ 3 ບຸກລະລຸຍຸດທະສາດທີ່ໄດ້ກຳນົດວ່າ: ປະຕິບັດລະບອບລະບຽບການພັດທະນາຢ່າງຄົບຊຸດ ແລະ ສົມບູນແບບ. ປ່ຽນແປງໃໝ່ການຄຸ້ມຄອງປະເທດຊາດ ຕາມທິດທັນສະໄໝ, ແກ້ງແຍ້ງກັນຢ່າງມີປະສິດທິຜົນ.
        ໜຶ່ງໃນບັນດາຂັ້ນຕອນບຸກທະລຸໃນມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກ ແມ່ນສ້າງລະບົບພື້ນຖານໂຄງລ່າງຢ່າງຄົບຊຸດ, ທັນສະໄໝ ນັບທັງດ້ານເສດຖະກິດ ແລະ ສັງຄົມ, ເອົາໃຈໃສ່ພັດທະນາພື້ນຖານໂຄງລ່າງຂໍ້ມູນຂ່າວສານ, ໂທລະຄົມມະນາຄົມ, ສ້າງພື້ນຖານເຫັນເປັນດີຈີຕອນແຫ່ງຊາດ, ພັດທະນາເສດຖະກິດດີຈີຕອນ, ສັງຄົມດີຈີຕອນເທື່ອລະກ້າວ.
        ວົງການນັກຊ່ຽວຊານໄດ້ໃຫ້ຂໍ້ສັງເກດວ່າ, ພາຍຫຼັງໄລຍະເລີ່ມຕົ້ນການເຫັນເປັນດີຈີຕອນແຫ່ງຊາດນັ້ນ ທັງປີ 2021 ແລະ ໄລຍະ 2021 – 2025 ແມ່ນຈຸດເວລາເພື່ອເພີ່ມຄວາມໄວດ້ວຍບັນດາການກະທຳ, ວິທີການຜັນຂະຫຍາຍຢ່າງ ລະອຽດ ສຳລັບແຕ່ລະກະຊວງ, ຂະແໜງການ, ຂົງເຂດ ແລະ ທ້ອງຖິ່ນ. ດ້ວຍ 3 ເສົາຄ້ຳຫຼັກແຫຼ່ງໃນການຫັນເປັນດີຈີຕອນແຫ່ງຊາດແມ່ນລັດຖະບານດີຈີຕອນ, ເສດຖະກິດດີຈີຕອນ ແລະ ສັງຄົມດີຈີຕອນນັ້ນ, ຫວຽດນາມແມ່ນໜຶ່ງໃນບັນດາປະເທດນຳໜ້າໃນໂລກທີ່ໄດ້ສ້າງໂຄງການສະເພາະກິດກ່ຽວກັບການຫັນປະເທດຊາດເປັນດີຈີຕອນ ແລະ ໄດ້ຮັບການຮັບຮອງຈາກລັດຖະບານ ເພື່ອແນໃສ່ຕອບສະໜອງຄວາມຕ້ອງການໃນການພັດທະນາປະເທດຊາດໃນຍຸກສະໄໝໃໝ່.
        ທ່ານ ຫງວຽນແມັງຮຸ່ງ, ລັດຖະມົນຕີກະຊວງຖະແຫຼງຂ່າວ ແລະ ການສື່ສານຫວຽດນາມໃຫ້ຮູ້ວ່າ:
        ເມື່ອພວກເຮົາຍອມຮັບສິ່ງໃໝ່ນັ້ນ, ເຕັກໂນໂລຢີໃໝ່ຂອງໂລກຈຶ່ງກັບມາ, ຜູ້ມີຄວາມເກັ່ງກ້າສາມາດໃນໂລກຈະກັບມາ ແລະ ພື້ນຖານອຸດສາຫະກຳໃໝ່ຈະປະກົດຂຶ້ນ. ຫວຽດນາມຈະສ້າງບັນດາຜະລິດຕະພັນເຕັກໂນໂລຢີດີຈີຕອນທີ່ສົ່ງອອກໄດ້. ນີ້ແມ່ນວິທີການສຳຜັດທີ່ເໝາະສົມກັບການປະຕິວັດອຸດສາຫະກຳຄັ້ງທີ 4 ເພື່ອຕ້ອນຮັບຮູບແບບດຳເນີນທຸລະກິດໃໝ່, ຕ້ອນຮັບບັນດາຂໍ້ລິເລີ່ມການປະດິດຄິດສ້າງປ່ຽນແປງໃໝ່
 (ແຫຼ່ງຄັດຈາກ VOV)
 
 
 

ຫວຽດ​ນາມ ຍາມ​ໃດ​ກໍ​ຖື ຍີ່​ປຸ່ນ ເປັນ​ຄູ່​ຮ່ວມ​ມື​ສຳ​ຄັນ​ແຖວ​ໜ້າ ແລະ ຍາວ​ນານ

ຫວຽດ​ນາມ ຍາມ​ໃດ​ກໍ​ຖື ຍີ່​ປຸ່ນ ເປັນ​ຄູ່​ຮ່ວມ​ມື​ສຳ​ຄັນ​ແຖວ​ໜ້າ ແລະ ຍາວ​ນານ

ໃນຂອບເຂດການຢ້ຽມຢາມ, ເຮັດວຽກຢູ່ ຍີ່ປຸ່ນ ແລະ ເຂົ້າຮ່ວມກອງປະຊຸມອະນາຄົດ ອາຊີ ຄັ້ງທີ 29, ວັນທີ 23 ພຶດສະພາ, ຢູ່ນະຄອນຫຼວງ ໂຕກຽວ, ທ່ານຮອງນາຍົກລັດຖະມົນຕີ ຫວຽດນາມ ເລມິງຄ໊າຍ ໄດ້ພົບປະກັນທ່ານນາຍົກລັດຖະມົນຕີ ຍີ່ປຸ່ນ Kishida Fumino.

Top