ຂ່າວສານ
ຫວຽດນາມ ສືບຕໍ່ໃຫ້ຄຳໝັ້ນສັນຍາຢ່າງແຮງ ໃນການຮັບມື ກັບການປ່ຽນແປງຂອງດິນຟ້າອາກາດ
ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ຢັ້ງຢືນວ່າ ຫວຽດນາມ ສືບຕໍ່ໃຫ້ຄຳໝັ້ນສັນຍາຢ່ງແຮງ ໃນການຮັບມືກັບການປ່ຽນແປງຂອງດິນຟ້າອາກາດ, ໃນນັ້ນເອົາໃຈໃສ່ເປັນພິເສດເຖິງການຫັນໄປສູ່ ພື້ນຖານເສດຖະກິດທີ່ປ່ອຍອາຍກາກບອນຢູ່ລະດັບຕ່ຳ, ມີຂັ້ນຕອນເພື່ອຫຼຸດຜ່ອນການອີງໃສ່ໄຟຟ້າດ້ວຍຖ່ານຫີນ ແລະ ເພີ່ນອັດຕາພະລັງງານຜະລິດຄືນໃໝ່ໂດຍໄວ. ທ່ານນາຍົກລັດຖະມົນຕີ ໄດ້ສະເໜີໃຫ້ ຝ່າຍ ອາເມລິກາ ສືບຕໍ່ເພີ່ມທະວີການໜູນຊ່ວຍ ຫວຽດນາມ ໃນການແກ້ໄຂຜົນຮ້າຍຢ້ອນຫຼັງຈາກສົງຄາມ, ເປັນຕົ້ນແມ່ນການລ້າງທາດພິດດີໂອຊິນ.
ສ່ວນທ່ານ John Kerry ໄດ້ຢັ້ງຢືນວ່າ ອາເມລິກາ ຖືການພົວພັນຄູ່ຮ່ວມມືຍຸດທະສາດກັບ ຫວຽດນາມ ເປັນສຳຄັນ. ທ່ານ John Kerry ກໍ່ໄດ້ຕີລາຄາສູງຄວາມມານະພະຍາຍາມຂອງ ຫວຽດນາມ ໃນການຮັບມືກັບການປ່ຽນແປງຂອງດິນຟ້າອາກາດ, ທ່ານຢັ້ງຢືນວ່າ ອາເມລິກາສະໜັບສະໜູນ ແລະ ພ້ອມແລ້ວທີ່ຈະໜູນຊ່ວຍ ຫວຽດນາມ ໃຫ້ກາຍເປັນປະເທດນຳໜ້າໃນພາກພື້ນ ກ່ຽວກັບເຕັກໂນໂລຢີ ພະລັງງານສະອາດ, ພະລັງງານຜະລິດຄືນໃໝ່ ດ້ວຍບັນດາໂຄງການຮ່ວມມືລະອຽດ.
(ແຫຼ່ງຄັດຈາກ VOV)
