• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດ​ນາມ​ຈັດ​ສົ່ງ​ຄະ​ນະ​ປະ​ຕິ​ບັດງານ​ໄປ​ກູ້​ໄພ​ກູ້​ຊີບ ຢູ່​ຕວັກ​ກີ

ເລີ່ມມາຈາກການພົວພັນຮ່ວມມືອັນດີງາມລະຫວ່າງ ຫວຽດນາມ ແລະ ຕວັກກີ, ແບ່ງປັນບັນດາຄວາມຫຍຸ້ງຍາກ ເຊິ່ງຕວັກກີພວມປະສົບ, ກະຊວງຕຳຫຼວດ ຫວຽດນາມ ໄດ້ສົ່ງຄະນະປະຕິບັດງານໄປຕວັກກີຢ່າງເປັນທາງການລວມມີພົນຕຳຫຼວດ 24 ຄົນ ດ້ວຍເປົ້າໝາຍໜູນຊ່ວຍການກູ້ໄພກູ້ຊີບ.
  ທ່ານພົນເອກ ໂຕເລິມ ຖ່າຍຮູບກັບຄະນະປະຕິບັດງານໄປກູ້ໄພກູ້ຊີບ ຢູ່ຕວັກກີ   

ຕອນບ່າຍວັນທີ 9 ກຸມພາ, ຢູ່ຮ່າໂນ້ຍ, ກະຊວງຕຳຫຼວດໄດ້ຈັດພິທີອອກເຄື່ອນທັບໃຫ້ແກ່ຄະນະປະຕິບັດງານກະຊວງຕຳຫຼວດໄປກູ້ໄພກູ້ຊີບ ຢູ່ຕວັກກີ. ກ່າວຄຳເຫັນທີ່ພິທີ, ທ່ານພົນເອກ ໂຕເລິມ ລັດຖະມົນຕີກະຊວງຕຳຫຼວດ ຫວຽດນາມ ຍົກໃຫ້ເຫັນຢ່າງຈະແຈ້ງວ່າ ໂດຍເລີ່ມມາຈາກການພົວພັນຮ່ວມມືອັນດີງາມລະຫວ່າງ ຫວຽດນາມ ແລະ ຕວັກກີ, ແບ່ງປັນບັນດາຄວາມຫຍຸ້ງຍາກ ເຊິ່ງຕວັກກີພວມປະສົບ, ກະຊວງຕຳຫຼວດ ຫວຽດນາມ ໄດ້ສົ່ງຄະນະປະຕິບັດງານໄປຕວັກກີຢ່າງເປັນທາງການລວມມີພົນຕຳຫຼວດ 24 ຄົນ ດ້ວຍເປົ້າໝາຍໜູນຊ່ວຍການກູ້ໄພກູ້ຊີບ, ຊອກຫາຜູ້ປະສົບເຄາະຮ້າຍ ແລະ ສະໜອງການໜູນຊ່ວຍມະນຸດສະທຳ, ຊ່ວຍເຫຼືອປະຊາຊົນແກ້ໄຂຜົນຮ້າຍຢ້ອນຫຼັງ ແລະ ກັບຄືນສູ່ການດຳລົງຊີວິດເປັນປົກກະຕິພາຍຫຼັງເຫດແຜ່ນດິນໄຫວໂດຍໄວ. ທ່ານລັດຖະມົນຕີ ໂຕເລິມ ໃຫ້ຮູ້ວ່າ:

ໃນໄລຍະປະຕິບັດໜ້າທີ່ໃນພື້ນທີ່ຕົວຈິງ, ດ້ວຍບົດບາດຕາງໜ້າໃຫ້ແກ່ປະເທດຊາດ ແລະ ກຳລັງຕຳຫຼວດຫວຽດນາມ, ບັນດາສະມາຊິກຂອງຄະນະປະຕິບັດງານ ຕ້ອງມານະພະຍາຍາມ, ຕັ້ງໜ້າສົມທົບກັບກຳລັງຕ່າງໆ, ບໍ່ຫວາດຫວັ່ນຕໍ່ຄວາມຫຍຸ້ງຍາກ, ສິ່ງອັນຕະລາຍ ແລະ ຍົກສູງຈິດໃຈສາມັກຄີ, ຮັກແພງຊ່ວຍເຫຼືອເຊິ່ງກັນແລະກັນ, ສ້າງຄວາມເຂັ້ມແຂງດ້ວຍຕົນເອງ, ເສີມຂະຫຍາຍຄຸນທາດ, ຄຸນສົມບັດຂອງນັກຮົບຕຳຫຼວດປະຕິວັດ ຫວຽດນາມ.

 

(ແຫຼ່ງຄັດຈາກ VOV)

ກະ​ສັດ​ທີ 17 ຂອງ ມາ​ເລ​ເຊຍ ຮັບ​ດຳ​ລົງ​ຕຳ​ແໜ່ງ​ຢ່າງ​ເປັນ​ທາງ​ການ

ກະ​ສັດ​ທີ 17 ຂອງ ມາ​ເລ​ເຊຍ ຮັບ​ດຳ​ລົງ​ຕຳ​ແໜ່ງ​ຢ່າງ​ເປັນ​ທາງ​ການ

ວັນທີ 20 ກໍລະກົດ, ກະສັດທີ 17 ຂອງ ມາເລເຊຍ, Sultan Ibrahim ໄດ້ຮັບດຳລົງຕຳແໜ່ງຢ່າງເປັນທາງການ ໃນພິທີບັນລັງທີ່ໄດ້ຈັດຂຶ້ນຢ່າງສົມກຽດຢູ່ພະລາດສະວັງລາດຊະການ ມາເລເຊຍ ຢູ່ທີ່ນະຄອນຫຼວງ ກົວລາ ລຳເບີ.

Top