ພິທີຕັ້ງທຸງຂອງ 5 ປະເທດເປັນກໍາມະການບໍ່ປະຈໍາການສະພາຄວາມໝັ້ນຄົງ ສປຊ ໃໝ່ ອາຍຸການ 2020 – 2021, ລວມມີ Estonia, Niger, Saint Vincent ແລະ Grenadines, Tunisia ແລະ ຫວຽດນາມ ເຊິ່ງໄດ້ຈັດຂຶ້ນຢ່າງສົມກຽດຢູ່ຫໍປະຊຸມຂອງ ສະພາຄວາມໝັ້ນຄົງ ສປຊ.

        ກ່າວຄໍາເຫັນທີ່ພິທີ, ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ຢັ້ງຢືນວ່າ: ຫວຽດນາມ ຈະມານະພະຍາຍາມຈົົນສຸດຄວາມສາມາດຂອງຕົນ ເພື່ອປະກອບສ່ວນເຂົ້າໃນວຽກງານຂອງສະພາຄວາມໝັ້ນຄົງ, ຮັບປະກັນການປະຕິບັດກົດບັດ ສປຊ ແລະ ຊຸກຍູ້ລັດທິຫຼາຍຝ່າຍ, ພ້ອມທັງສະແດງຄວາມປາດຖະໜາວ່າ ບັນດາປະເທດຈະສະໜັບສະໜູນບັນດາຄວາມມານະພະຍາຍາມຂອງຫວຽດນາມ, ບໍ່ພຽງແຕ່ໃນເດືອນຫວຽດນາມເປັນປະທານ ສະພາຄວາມໝັ້ນຄົງ ເທົ່ານັ້ນ ຫາກໃນຕະຫຼອດໄລຍະຈະມາເຖິງອີກດ້ວຍ.

        ແລະກໍໃນວັນດຽວກັນ, ສະພາຄວາມໝັ້ນຄົງ ສປຊ ໄດ້ຮັບຮອງເອົາລາຍການເຮັດວຽກໃນເດືອນ ມັງກອນ 2020 ໂດຍຫວຽດນາມສະເໜີ. ຫຼັງຈາກນັ້ນ, ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈໍາ ສປຊ ກໍ່ໄດ້ເປັນປະທານກອງປະຊຸມຖະແຫຼງຂ່າວສາກົນ ໃນຖານະເປັນປະທານ ສະພາຄວາມໝັ້ນຄົງ. ກອງປະຊຸມມີການເຂົ້າຮ່ວມຂອງນັກຂ່າວ, ຜູ້ຕາງໜ້າບັນດາສໍານັກຂ່າວສານ ແລະ ອົງການສື່ມວນຊົນ ປະຈໍາ ສປຊ ກວ່າ 60 ຄົນ. ນະທີ່ນີ້, ບັນດານັກຂ່າວ ໄດ້ຕັ້ງຄໍາຖາມ 19 ຂໍ້ ແລະ ທ່ານດັ້ງດິ່ງກຸ໊ຍ ກໍໄດ້ຕອບຕາມລໍາດັບ ກ່ຽວກັບວຽກງານຂອງ ສປຊ, ນະໂຍບາຍການຕ່າງປະເທດຂອງຫວຽດນາມ ແລະ ບັນດາບຸລິມະສິດຂອງຫວຽດນາມໃນເດືອນເປັນປະທານ ສະພາຄວາມໝັ້ນຄົງ.

(ແຫຼ່ງຄັດຈາກ VOV)