ໃນລະຫວ່າງວັນທີ 01 – 02 ທັນວາ, ໃນຂອບເຂດການຢ້ຽມຢາມສະຫະພັນ ລັດເຊຍ ຢ່າງເປັນທາງການຂອງທ່ານປະທານປະເທດ ຫວຽດນາມ ຫງວຽນຊວັນຟຸກ, ທ່ານນາງ ຫວຽນທິຮ່ວາງເວີນ, ຮອງຫົວໜ້າຄະນະພົບພັນຕ່າງປະເທດສູນກາງພັກ, ໄດ້ເຮັດວຽກກັບການນຳພັກການເມືອງປະເທດ ລັດເຊຍ ເອກະພາບ, ພັກກອມມູນິດສະຫະພັນ ລັດເຊຍ ແລະ ພັກ ປະເທດລັດເຊຍ ຍຸຕິທຳ - ເພື່ອຄວາມຈິງ.
ທີ່ການເຮັດວຽກຄັ້ງຕ່າງໆ, ບັນດາຝ່າຍໄດ້ແລກປ່ຽນກ່ຽວກັບເນື້ອໃນການຮ່ວມມືລະຫວ່າງພັກກອມມູນິດ ຫວຽດນາມ ກັບບັນດາພັກການເມືອງຂອງ ລັດເຊຍ ໃນໄລຍະຈະມາເຖິງ. ທ່ານນາງ ຫງວຽນທິຮ່ວາງເວີນ ຢືນຢັນວ່າ, ພັກກອມມູນິດ ຫວຽດນາມ ຍາມໃດກໍ່ຖືເປັນສຳຄັນການຮ່ວມມືກັບພັກການເມືອງຂອງ ລັດເຊຍ, ການພົວພັນຜ່ານຊ່ອງທາງພັກໄດ້ປະກອບສ່ວນສຳຄັນ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະພັນ ລັດເຊຍ ໃຫ້ພັດທະນາຢ່າງມີປະສິດທິຜົນ ແລະ ແທດຈິງ.
ການນຳບັນດາພັກຝ່າຍການເມືອງ ຕີລາຄາສູງໝາກຜົນການຢ້ຽມຢາມສະຫະພັນລັດເຊຍ ຢ່າງເປັນທາງການຂອງທ່ານປະທານປະເທດ ຫວຽດນາມ ຫງວຽນຊວັນຟຸກ; ຢືນຢັນວ່າ ຈະມານະພະຍາຍາມພ້ອມກັບຝ່າຍ ຫວຽດນາມ, ຊຸກຍູ້ການຮ່ວມມືຜ່ານຊ່ອງທາງພັກ ເພື່ອສ້າງພື້ນຖານການເມືອງຢ່າງໝັ້ນແກ່ນ, ປະກອບສ່ວນປັບປຸງ ແລະ ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະພັນລັດເຊຍ ເລິກເຊິ່ງຂຶ້ນຕື່ມ.
ໃນຂອບເຂດການຢ້ຽມຢາມດັ່ງກ່າວ, ທ່ານລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ຫງວຽນກິມເຊີນ ໄດ້ເຮັດວຽກກັບການນຳ 3 ອົງການສຳຄັນຂອງ ລັດເຊຍ, ລວມມີ: ກະຊວງວິທະຍາສາດ ແລະ ສຶກສາມະຫາວິທະຍາໄລ, ອົງການຮ່ວມມືສະຫະພັນລັດເຊຍ, ມະຫາວິທະຍາໄລການບິນ ມົດສະກູ ເພື່ອຊຸກຍູ້ການຮ່ວມມືດ້ານການສຶກສາຂອງ 2 ປະເທດໃຫ້ຫຼາຍກວ່າອີກ.
(ແຫຼ່ງຄັດຈາກ VOV)
