• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ-ອີຢູ ເພີ່ມທະວີການຮ່ວມມືແກ້ໄຂຜົນສະທ້ອນຈາກໂຄວິດ-19

ຫວຽດນາມ ແລະ ອີຢູ ເຫັນດີເພີ່ມທະວີການຮ່ວມມືແກ້ໄຂຜົນສະທ້ອນຂອງໂລກລະບາດໂຄວິດ-19 ກໍ່ຄືໃນຂົງເຂດຮັກສາສັນຕິພາບ.


ຄະນະຜູ້ແທນຫວຽດນາມ ເຂົ້າຮ່ວມກອງປະຊຸມ

(ພາບ: ກະຊວງການຕ່າງປະເທດ)


ວັນທີ 15 ທັນວາ, ທ່ານຮອງລັດຖະມົນຕີການຕ່າງປະເທດຫວຽດນາມ ໂຕແອັງຢຸງ ແລະ ທ່ານ Gunnar Wiegand, ຫົວໜ້າກົມອາຊີ - ປາຊີຟິກ ຂອງອົງການພົວພັນຕ່າງປະເທດເອີລົບ (EEAS) ໄດ້ເປັນປະທານຮ່ວມກອງປະຊຸມຄັ້ງທີ 2 ຄະນະກຳມະການປະສົມຫວຽດນາມ - ສະຫະພາບເອີລົບ (ອີຢູ) ກ່ຽວກັບການຜັນຂະຫຍາຍສັນຍາແມ່ຄູ່ຮ່ວມມື ແລະ ຮ່ວມມືຮອບດ້ານຫວຽດນາມ -  ອີຢູ (PCA) ທາງອອນລາຍ ແລະໂດຍກົງ. ທີ່ກອງປະຊຸມ, 2 ຝ່າຍໄດ້ເນັ້ນໜັກເຖິງຄວາມປາດຖະໜາຢາກສືບຕໍ່ເພີ່ມທະວີການຮ່ວມມືທີ່ມີລັກສະນະຍຸດທະສາດລະຫວ່າງຫວຽດນາມ ແລະ ອີຢູ, ສົມທົບກັນຜັນຂະຫຍາຍການປະຕິບັດສັນຍາການຄ້າເສລີຫວຽດນາມ - ອີຢູ (EVFTA) ຢ່າງມີປະສິດທິຜົນ, ຊຸກຍູ້ລັດຖະສະພາບັນດາປະເທດສະມາຊິກອີຢູ ໃຫ້ສັດຕະຍາບັນສັນຍາອາລັກຂາການລົງທຶນຫວຽດນາມ - ອີຢູ (EVIPA) ໂດຍໄວ. ຫວຽດນາມ ແລະ ອີຢູ ເຫັນດີເພີ່ມທະວີການຮ່ວມມືແກ້ໄຂຜົນສະທ້ອນຂອງໂລກລະບາດໂຄວິດ-19 ກໍ່ຄືໃນຂົງເຂດຮັກສາສັນຕິພາບ, ແກ້ໄຂບັນດາບັນຫາຄວາມໝັ້ນຄົງແບບເກົ່າ, ຄວາມໝັ້ນຄົງທາງທະເລ ແລະ ການປ່ຽນແປງຂອງດິນຟ້າອາກາດ…

        ອີຢູ ໄດ້ຢືນຢັນເຖິງການສະໜັບສະໜູນການຮັກສາຄວາມໝັ້ນຄົງ, ຄວາມປອດໄພໃນເດີນເຮືອ ແລະ ການບິນ, ເຄົາລົບກົດໝາຍຢູ່ທະເລຕາເວັນອອກ. 2 ຝ່າຍກໍ່ໄດ້ຮັບຮອງເອົາແຈ້ງການຖະແຫຼງຂ່າວຕໍ່ສື່ມວນຊົນລວມ ແລະ ເຫັນດີຈັດກອງປະຊຸມຄັ້ງທີ 3 ຢູ່ຮ່າໂນ້ຍໃນປີ 2021.

(ແຫຼ່ງຄັດຈາກ VOV)

ບັນ​ດາ​ທ້ອງ​ຖິ່ນ​ຮ່ວມ​ເດີ​ນທາງ​ກັບ​ສູນ​ກາງ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ

ບັນ​ດາ​ທ້ອງ​ຖິ່ນ​ຮ່ວມ​ເດີ​ນທາງ​ກັບ​ສູນ​ກາງ ເພື່ອ​ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ

ປີນີ້ແມ່ນປີທີ 4 ທົ່ວປະເທດ ປະຕິບັດແຜນການພັດທະນາເສດຖະກິດ - ສັງຄົມ 5 ປີ (2021 - 2025). ເພື່ອປະຕິບັດສຳເລັດເປົ້າໝາຍນີ້, ນັບແຕ່ຕົ້ນປີ ຫຼາຍທ້ອງຖິ່ນ ໄດ້ຕັດສິນໃຈຜັນຂະຫຍາຍບັນດາມາດຕະການຢາງແຮງ ເພື່ອເສີມຂະຫຍາຍທ່າແຮງຂອງທ້ອງຖິ່ນຕົນ. ສ່ິ່ງນີ້ ປະກອບສວ່ນເຂົ້າຄວາມມານະພະຍາຍາມລວມຂອງ ລັດຖະບານ ເພື່ອແນໃສ່ຊຸກຍູ້ເສດຖະກິດປະເທດຊາດພັດທະນາ.

Top