• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ - ລາວ ແບ່ງປັນບົດຮຽນໃນການສ້າງຫ້ອງມູນເຊື້ອຂອງສະພາແຫ່ງຊາດ

ທີ່ການເຮັດວຽກ, 2 ຝ່າຍໄດ້ແລກປ່ຽນ, ແບ່ງປັນບົດຮຽນກ່ຽວກັບການອອກແບບ, ກໍ່ສ້າງ, ຄັດເລືອກເນື້ອໃນເພື່ອວາງສະແດງທີ່ຫ້ອງມູນເຊື້ອຂອງສະພາແຫ່ງຊາດ
  ທ່ານຮອງປະທານສະພາແຫ່ງຊາດ ສົມມາດ ພົນເສນາ ແລະ ຄະນະຜູ້ແທນ (ພາບ: daibieunhandan.vn)  

 ຕອນບ່າຍວັນທີ 08 ກໍລະກົດ, ໃນຂອບເຂດການຢ້ຽມຢາມ ແລະ ເຮັດວຽກຢູ່ ຫວຽດນາມ, ທ່ານຮອງປະທານສະພາແຫ່ງຊາດ ລາວ ສົມມາດ ພົນເສນາ ແລະ ຄະນະຜູ້ແທນສະພາແຫ່ງຊາດ, ພະນັກງານຄະນະເລຂາສະພາແຫ່ງຊາດ ລາວ ໄດ້ມີການເຮັດວຽກກັບຫ້ອງວ່າການສະພາແຫ່ງຊາດ ຫວຽດນາມ ເພື່ອແບ່ງປັນ, ແລກປ່ຽນບົດຮຽນໃນການສ້າງຫ້ອງມູນເຊື້ອຂອງສະພາແຫ່ງຊາດ ລາວ.

ທີ່ການເຮັດວຽກ, 2 ຝ່າຍໄດ້ແລກປ່ຽນ, ແບ່ງປັນບົດຮຽນກ່ຽວກັບການອອກແບບ, ກໍ່ສ້າງ, ຄັດເລືອກເນື້ອໃນເພື່ອວາງສະແດງທີ່ຫ້ອງມູນເຊື້ອຂອງສະພາແຫ່ງຊາດ; ຮັບໃຊ້ວຽກງານໂຄສະນາພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (05 ກັນຍາ 1962 – 05 ກັນຍາ 2022) ແລະ ສະເຫຼີມສະຫຼອງ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977 – 18 ກໍລະກົດ 2022) ໃນປີສາມັກຄີມິດຕະພາບ ຫວຽດນາມ - ລາວ 2022 ດ້ວຍຮູບການແລກປ່ຽນວັດຖຸພັນ, ພາບຖ່າຍ ເຊິ່ງຄາດວ່າຈະນຳມາວາງສະແດງໃນພິທີສະເຫຼີມສະຫຼອງ. ສະແດງຄວາມປະທັບໃຈເມື່ອຢ້ຽມຢາມຫ້ອງມູນເຊື້ອຂອງສະພາແຫ່ງຊາດ ຫວຽດນາມ, ທ່ານຮອງປະທານສະພາແຫ່ງຊາດ ສົມມາດ ພົນເສນາ, ສະເໜີໃຫ້ກົມທີ່ມີໜ້າທີ່ຂອງຫ້ອງວ່າການສະພາແຫ່ງຊາດ 2 ປະເທດ ສົມທົບກັນຢ່າງແໜ້ນແຟ້ນໃນການແລກປ່ຽນເອກະສານ, ວັດຖຸພັນທີ່ຈະມາວາງສະແດງຢູ່ຫ້ອງມູນເຊື້ອຂອງສະພາແຫ່ງຊາດ ລາວ ກໍຄືພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ແລະ ສະເຫຼີມສະຫຼອງ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ.

(ແຫຼ່ງຄັດຈາກ VOV)

ສ້າງ​ຮ່າງ​ມະ​ຕິ​ກ່ຽວ​ກັບ​ການ​ເອົາ​ບັດ​ໄວ້​ວາງ​ໃຈ, ປ່ອນ​ລັດ​ໄວ້​ວາງ​ໃຈ​ໃຫ້​ສົມ​ບຸນ​ແບບ

ສ້າງ​ຮ່າງ​ມະ​ຕິ​ກ່ຽວ​ກັບ​ການ​ເອົາ​ບັດ​ໄວ້​ວາງ​ໃຈ, ປ່ອນ​ລັດ​ໄວ້​ວາງ​ໃຈ​ໃຫ້​ສົມ​ບຸນ​ແບບ

ເພື່ອສ້າງຮ່າງມະຕິໃຫ້ສົມບຸນແບບ, ສສຊ ຈຳນວນໜຶ່ງ ສະເໜີວ່າ ນອກຈາກລາຍງານຕໍ່ຂັ້ນມີສິດອຳນາດແລ້ວ ໝາກຜົນການຮັບເອົາບັດໄວ້ວາງໃຈ ຕ້ອງເປີດເຜີຍທັງການເຄື່ອນໄຫວປ່ອນບັດໄວ້ວາງໃຈ.

Top