• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ຢືນຢັນຄືນໃໝ່ຫຼັກໝັ້ນຫຼັກການຂອງ ອາຊຽນ ກ່ຽວກັບທະເລຕາເວັນອອກ

ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ສະແດງຄວາມປາດຖະໜາວ່າ, ບັນດາປະເທດໃຫຍ່, ປະເທດຄູ່ຮ່ວມມືຂອງ ອາຊຽນ, ສາມາດສ້າງການພົວພັນເປັນປົກກະຕິ, ແກ່ງແຍ້ງຢ່າງປອດໄສ ແລະ ມີຄວາມຮັບຜິດຊອບ
  ທ່ານນາຍົກລັດຖະມົນຕີ ຟ້າມມິນຈິງ ເຂົ້າຮ່ວມກອງປະຊຸມສຸດຍອດພິເສດ ອາຊຽນ - ອາເມລິກາ (ພາບ: VGP)  

 ວັນທີ 13 ພຶດສະພາ (ຕາມເວລາທ້ອງຖິ່ນ), ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ແລະ ການນຳ ອາຊຽນ ໄດ້ເຂົ້າຮ່ວມບັນດາວາລະເຮັດວຽກທາງການຂອງກອງປະຊຸມສຸດຍອດພິເສດ ອາຊຽນ - ອາເມລິກາ ລວມທັງວາລະປະຊຸມລະຫວ່າງການນຳ ອາຊຽນ ກັບທ່ານປະທານາທິບໍດີ ອາເມລິກາ Joe Biden; ວາລະປຶກສາຫາລືລະຫວ່າງການນຳ ອາຊຽນ ກັບທ່ານນາງຮອງປະທານາທິບໍດີ Kamala Harris ກ່ຽວກັບຄວາມໝັ້ນຄົງທາງທະເລ ແລະ ການປ້ອງກັນ, ຕ້ານໂລກລະບາດໂຄວິດ-19 ແລະ ວາລະປຶກສາຫາລືກັບບັນດາລັດຖະບານມົນຕີຄະນະລັດຖະບານກ່ຽວກັບການປ່ຽນແປງຂອງດິນຟ້າອາກາດ, ຫັນເປັນພະລັງງານສະອາດ ແລະ ພື້ນຖານໂຄງການແບບຍືນຍົງ.

ໝາກຜົນລະອຽດແມ່ນ, ທີ່ບັນດາວາລະເຮັດວຽກດັ່ງກ່າວ ການນຳ ອາເມລິກາ ໄດ້ປະກາດຫຼາຍຂໍ້ສະເໜີ, ຂໍ້ລິເລີ່ມຮ່ວມມືກັບ ອາຊຽນ. ຕາມນັ້ນແລ້ວ, ອາເມລິກາ ຈະລົງທຶນຈຳນວນເງິນ 40 ລ້ານ USD ໜູນຊ່ວຍການພັດທະນາພື້ນຖານໂຄງລ່າງພະລັງງານສະອາດ, ສະຫງວນ 60 ລ້ານ USD ເພື່ອເພີ່ມທະວີການຮ່ວມມືທາງທະເລ, 150 ລ້ານ USD ເພື່ອຜັນຂະຫຍາຍຂໍ້ລິເລີ່ມອະນາຄົດດ້ານສາທາລະນະສຸກ ອາຊຽນ - ອາເມລິກາ…

ທີ່ກອງປະຊຸມກັບທ່ານປະທານາທິບໍດີ Joe Biden, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ສະແດງຄວາມປາດຖະໜາວ່າ, ບັນດາປະເທດໃຫຍ່, ປະເທດຄູ່ຮ່ວມມືຂອງ ອາຊຽນ, ສາມາດສ້າງການພົວພັນເປັນປົກກະຕິ, ແກ່ງແຍ້ງຢ່າງປອດໄສ ແລະ ມີຄວາມຮັບຜິດຊອບ, ພ້ອມທັງເຂົ້າຮ່ວມປະກອບສ່ວນໃຫ້ແກ່ພາກພື້ນ ບົນຈິດໃຈເປີດເຜີຍ, ສ້າງສັນ, ເຄົາລົບບົດບາດໃຈກາງຂອງ ອາຊຽນ, ປຶກສາຫາລືກັບ ອາຊຽນ ຢ່າງຄົບຖ້ວນ, ເຄົາລົບກົດໝາຍສາກົນ, ປະກອບສ່ວນໃຫ້ແກ່ສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ ແລະ ໃນໂລກ.

ຫວຽດນາມ ຢືນຢັນຄືນໃໝ່ຫຼັກໝັ້ນ, ຫຼັກການຂອງ ອາຊຽນ ກ່ຽວກັບທະເລຕາເວັນອອກ, ເນັ້ນໜັກເຖິງການແກ້ໄຂທຸກການຂັດແຍ້ງ, ຄວາມແຕກຕ່າງໂດຍສັນຕິວິທີ, ບົນພື້ນຖານກົດໝາຍສາກົນ, ໃນນັ້ນ, ມີສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ (UNCLOS) 1982. ທ່ານນາຍົກລັດຖະມົນຕີ ໄດ້ຊົມເຊີຍເລື່ອງບັນດາຄູ່ຮ່ວມມືສະໜັບສະໜູນ ອາຊຽນ ປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ, ສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃຫ້ມີປະສິດທິພາບ, ປະສິດທິຜົນ, ສອດຄ່ອງກັບກົດໝາຍສາກົນ ແລະ  UNCLOS 1982.

(ແຫຼ່ງຄັດຈາກ VOV)

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ຕັດສິນໃຈສ້າງການຫັນປ່ຽນໃນວຽກງານກໍ່ສ້າງ, ປັບປຸງພັກ

ພັກກອມມູນິດ ຫວຽດນາມ ໄດ້ຮັບການສ້າງຕັ້ງຂຶ້ນ ເມື່ອວັນທີ 3/2/1930 ແມ່ນບາດລ້ຽວປະຫວັດສາດອັນຍິ່ງໃຫຍ່ຂອງຊາດ ຫວຽດນາມ, ນຳການປະຕິວັດ ຫວຽດນາມ ຈາກໄຊຊະນະນີ້ໄປສູ່ໄຊຊະນະອື່ນ. ໃນວິວັດ 93 ປີແຫ່ງການສ້າງຕັ້ງ ແລະ ພັດທະນາ, ພັກ ຍາມໃດກໍ່ຖືເປັນສຳຄັນໃນວຽກງານກໍ່ສ້າງ ແລະ ປັບປຸງພັກ, ເປັນເອກະພາບໃນການສືບທອດ ແລະ ພັດທະນາແນວທາງ, ແຜນນະໂຍບາຍໃຫ້ເໝາະສົມກັບແຕ່ລະໄລຍະ, ພິເສດແມ່ນໃນບັນດາອາຍຸການມໍ່ໆມານີ້. ດ້ວຍການເພີ່ມເຕີມ, ສືບທອດ, ສ້າງແນວທາງກ່ຽວກັບວຽກງານກໍ່ສ້າງ, ປັບປຸງພັກໃຫ້ສົມບູນແບບ, ພັກກອມມູນິດ ຫວຽດນາມ ນັບມື້ນັບຕັດສິນໃຈສ້າງການຫັນປ່ຽນໃຫມ່ໃນວຽກງານນີ້.

Top