ຜູ້ຕິດເຊື້ອຄົນທີ 79 ເປັນເພດຍິງ, ອາຍຸ 48 ປີ, ທີ່ຢູ່ເມືອງ ດົງຫ໋າຍ, ແຂວງ ບາກລຽວ, ດຳລົງຊີວິດຢູ່ ອັງກິດ, ກັບຄືນມາ ປະເທດໃນວັນທີ 14 ມີນາ 2020. ແລະ ຜູ້ຕິດເຊື້ອຄົນທີ 80 ເປັນເພດຊາຍ, ອາຍຸ 18 ປີ, ເປັນລູກຂອງຜູ້ຕິດເຊື້ອຄົນທີ 79.
ຜູ້ຕິດເຊື້ອຄົນທີ 81 ເປັນເພດຊາຍ, ອາຍຸ 20 ປີ, ຢູ່ແຂວງ ກອນຕຸມ, ໄດ້ກັບຄືນມາ ປະເທດໃນວັນທີ 15 ມີນາ 2020 ຈາກປະເທດ ຝຣັ່ງ.
ຜູ້ຕິດເຊື້ອຄົນທີ 82 ເປັນເພດຍິງ, ອາຍຸ 16 ປີ, ຢູ່ນະຄອນ ໂຮ່ຈີມິນ. ວັນທີ 14 ມີນາ 2020, ລາວພ້ອມກັບແມ່ອອກຈາກ ລອນດອນ (ອັງກິດ) ໄປ ດູບາຍ ຫລັງຈາກນັ້ນ, ກັບຄືນມາ ປະເທດໃນວັນທີ 15 ມີນາ 2020.
ຜູ້ຕິດເຊື້ອຄົນທີ 83 ເປັນເພດຍິງ, ອາຍຸ 50 ປີ, ສັນຊາດ ອາເມລິກາ, ພັກອາໄສຢູ່ນະຄອນ ໂຮ່ຈີມິນ. ກວດພົບຕິດໄວຣັດ SARS-CoV-2 ໃນວັນທີ 19 ມີນາ 2020.
ຜູ້ຕິດເຊື້ອຄົນທີ 84 ເປັນເພດຊາຍ, ອາຍຸ 21 ປີ ຢູ່ເມືອງດົ໊ງດາ, ຮ່າໂນ້ຍແລະ ຜູ້ຕິດເຊື້ອຄົນທີ 85 ເປັນເພດຊາຍ, ອາຍຸ 20 ປີ, ຢູ່ເມືອງບາດິ່ງ, ຮ່າໂນ້ຍ ທັງສອງລ້ວນແຕ່ ເປັນນັກສຶກສາຮຽນຢູ່ ອັງກິດ, ກັບຄືນມາປະເທດໃນວັນທີ 18 ມີນາ 2020.
ຜູ້ຕິດເຊື້ອຄົນທີ 86 ແລະ 87 ເປັນເພດຍິງ, ສອງຄົນດັ່ງກ່າວລ້ວນແຕ່ເປັນ ນາງພະຍາບານ ຢູ່ ໂຮງໝໍແບກມາຍ. ນີ້ແມ່ນບັນດາແພດໝໍຂອງຫວຽດນາມຄົນທຳອິດຕິດເຊື້ອພະຍາດ Covid – 19.
ສະນັ້ນ, ໄລ່ມາຮອດປັດຈຸບັນ, ຫວຽດນາມ ມີ ຜູ້ຕິດເຊື້ອ SARS-CoV-2 87 ຄົນ , ໃນນັ້ນ ມີ 17 ຄົນໄດ້ປິ່ນປົວຫາຍດີ ແລະ ອອກໂຮງໝໍແລ້ວ.
(ແຫຼ່ງຄັດຈາກ VOV)
