ຂ່າວສານ

ຫວຽດນາມ ບໍ່ພົບຜູ້ຕິດເຊື້ອໂຄວິດ-19 ໃນຊຸມຊົນເປັນມື້ທີ 78 ແລ້ວ

04/07/2020

ຕາມຂໍ້ມູນຂ່າວສານຈາກຄະນະຊີ້ນຳແຫ່ງຊາດກ່ຽວກັບການປ້ອງການ, ສະກັດກັ້ນໂລກລະບາດໂຄວິດ-19 ໃນຕອນເຊົ້າວັນທີ 03 ກໍລະກົດ ໃຫ້ຮູ້ວ່າ: ນັບແຕ່ເວລາ 18 ໂມງຂອງວັນທີ 02 ກໍລະກົດ ຫາເວລາ 6 ໂມງເຊົ້າຂອງວັນທີ 03 ກໍລະກົດ, ຫວຽດນາມ ບໍ່ກວດພົບຜູ້ຕິດເຊື້ອໂຄວິດ-19 ໃໝ່ຈັກຄົນ.

(ພາບປະກອບ/TTXVN)

ສະນັ້ນ, ຫວຽດນາມ ບໍ່ກວດພົບຜູ້ຕິດເຊື້ອໂຄວິດ-19 ໃໝ່ໃນຊຸມຊົນຕິດຕໍ່ກັນເປັນມື້ທີ 78 ແລ້ວ. ມາຮອດປັດຈຸບັນ, 340 ໃນຈຳນວນ 355 ຄົນທີ່ມີຜົນກວດເປັນບວກກັບໄວຣັດ SARS-CoV-2 ຢູ່ ຫວຽດນາມ ໄດ້ຮັບການປະກາດຫາຍດີເປັນປົກກະຕິແລ້ວ, ກວມເອົາ 95,8% ຍອດຈຳນວນຜູ້ຕິດເຊື້ອໂຄວິດ-19; ບໍ່ມີຜູ້ໃດເສຍຊີວິດຍ້ອນໂຄວິດ-19. ປະຈຸບັນ, ຜູ້ຕິດເຊື້ອໂຄວິດ-19 ຍັງເຫຼືອ 15 ຄົນ ພວມໄດ້ຮັບການປິ່ນປົວຢູ່ໂຮງໝໍແຫ່ງຕ່າງໆ, ສ່ວນຫລາຍມີອາການເປັນປົກກະຕິ.

ກ່ຽວກັບສະພາບການປິ່ນປົວພະຍາດໃຫ້ແກ່ນັກບິນຊາວອັງກິດ ແມ່ນຜູ້ຕິດເຊື້ອຄົນທີ 91 ຢູ່ໂຮງໝໍ ເຈິ້ໄຮ໋ (ນະຄອນ ໂຮ່ຈີມິນ), ອະນຸກຳມະການປິ່ນປົວໃຫ້ຮູ້ວ່າ: ຜູ້ຕິດເຊື້ອໂຄວິດ-19 ຄົນທີ 91 ມີການຟື້ນຟູທີ່ດີ, ຈິດໃຈເປັນປົກກະຕິກ່ວາ.

ກ່ຽວກັບການຜັນແປອື່ນ, ໃນວັນທີ 02 ກໍລະກົດ, ສະຖານທູດ ຫວຽດນາມ ປະຈຳລາຊະອານາຈັກ ອັງກິດ ໄດ້ຈັດຕັ້ງພິທີມອບຜ້າອັດປາກ-ອັດດັງ 135.000 ອັນ ເຊິ່ງແມ່ນຂອງຂວັນຈາກປະເທດ ຫວຽດນາມ ມອບໃຫ້ຜູ້ຕາງໜ້ານະຄອນຫລວງ ລອນດອນ ແລະ ເຂດ Wales.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.