ປີ 2018 ຫວຽດນາມ ຕ້ອນຮັບແຂກທ່ອງທ່ຽວ ສ.ເກົາຫຼີ ເກືອບ 3,5 ລ້ານເທື່ອຄົນ, 5 ເດືອນຕົ້ນປີ 2019, ຫວຽດນາມ ຕ້ອນຮັບແຂກທ່ອງທ່ຽວ ສ.ເກົາຫຼີ ກ່ວາ 1,7 ລ້ານເທື່ອຄົນ, ເພີ່ມຂຶ້ນ 22,4 % ເມື່ອທຽບໃສ່ໄລຍະດຽວກັນປີ 2018.
ເພື່ອສືບຕໍ່ຮັກສາທ່າເຕີບໂຕຂອງແຂກທ່ອງທ່ຽວທີ່ມາຈາກ ສ.ເກົາຫຼີ ແລະ ປະກອບສ່ວນບັນລຸເປົ້າໝາຍຕ້ອນຮັບແຂກທ່ອງທ່ຽວສາກົນ 18 ລ້ານເທື່ອຄົນໃນປີ 2019 ປະສົບຜົນສຳເລັດນັ້ນ, ທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນງອັກທ້ຽນ ຈະນຳໜ້າຄະນະຜູ້ແທນຂະແໜງທ່ອງທ່ຽວ ຫວຽດນາມ ໄປຢ້ຽມຢາມ ແລະ ເຮັດວຽກຢູ່ ສ.ເກົາຫຼີ ຢ່າງເປັນທາງການ ແລະ ຈັດຕັ້ງລາຍການແນະນຳວັດທະນະທຳ, ການທ່ອງທ່ຽວ ຫວຽດນາມ. ລາຍການດັ່ງກ່າວຈະດຳເນີນແຕ່ວັນທີ 25 – 30 ມິຖຸນາ ຢູ່ນະຄອນ ເຊີອຸນ ແລະ Daegu.
(ແຫຼ່ງຄັດຈາກ VOV)
