• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມແມນຄູ່ຮ່ວມມືທີ່ເຂັ້ມແຂງຂອງສະຫະປະຊາຊາດ

      ຫວຽດນາມ ນັບມື້ນັບເຂົ້າຮ່ວມຢ່າງຕັ້ງໜ້າກວ່າ ແລະ ເລີ່ມປະກອບສ່ວນໃຫ້ແກ່ສະຫະປະຊາຊາດ.

(ທ່ານເອກອັກຄະລັດຖະທູດຫວຽດນາມ ດັ້ງດິ່ງກຸຍ)
      ເມື່ອຕອບສຳພາດຕໍ່ນັກຂ່າວ VOV ເນື່ອງໃນໂອກາດກອງປະຊຸມສະມັດຊາໃຫຍ່ສະຫະປະຊາຊາດຊຸດທີ 75, ທ່ານເອກອັກຄະລັດຖະທູດຫວຽດນາມ ດັ້ງດິ່ງກຸຍ, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ຢືນຢັນວ່າ ຫວຽດນາມ ນັບມື້ນັບເຂົ້າຮ່ວມຢ່າງຕັ້ງໜ້າກວ່າ ແລະ ເລີ່ມປະກອບສ່ວນໃຫ້ແກ່ສະຫະປະຊາຊາດ. ທ່ານກ່າວວ່າ.
          “ພວກເຮົາບໍ່ພຽງແຕ່ເຂົ້າຮ່ວມໃນຂົງເຂດພັດທະນາ, ເຊິ່ງສະຫະປະຊາຊາດເຄີຍເຕື້ອງເຖິງເປັນຫຼາຍຄັ້ງນັ້ນແມ່ນ “ເປັນແບບຢ່າງຂອງບັນດາປະເທດພວມພັດທະນາ, ບັນດາປະເທດທີ່ບືນຕົວອອກຈາກຄວາມທຸກຍາກ, ຈາກການພັງທະລາຍຂອງສົງຄາມ” ແລະ ກາຍເປັນປະເທດມີລາຍຮັບປານກາງ. ໃນຂົງເຂດຄວາມໝັ້ນຄົງກໍ່ເຊັ່ນດຽວກັນ, ຫວຽດນາມ ນັບມື້ນັບໄດ້ເຂົ້າຮ່ວມໃນກຳລັງຮັກສາສັນຕິພາບຂອງສະຫະປະຊາຊາດຢ່າງຕັ້ງໜ້າກວ່າ. ຫວຽດນາມ ກໍ່ໄດ້ເຂົ້າຮ່ວມບັນດາກົນໄກຕົກລົງນະໂຍບາຍສູງສຸດຂອງສະຫະປະຊາຊາດຄືສະພາຄວາມໝັ້ນຄົງ. ອາຍຸການສະພາຄວາມໝັ້ນຄົງຄັ້ງກ່ອນ, ຫວຽດນາມ ໄດ້ປະຕິບັດໜ້າທີ່ສຳເລັດເປັນຢ່າງດີ ແລະ ໃນອາຍຸການນີ້, ມາຮອດປະຈຸບັນ ຫວຽດນາມ ກໍ່ໄດ້ຮັບການຕີລາຄາວ່າແມ່ນຄູ່ຮ່ວມມືຕັ້ງໜ້າ”.
          ຕາມທ່ານເອກອັກຄະລັດຖະທູດ ດັ້ງດິ່ງກຸຍ ແລ້ວ, ມີ 3 ປັດໃຈໄດ້ຊ່ວຍໃຫ້ຫວຽດນາມ ໄດ້ຮັບການສະໜັບສະໜູນ ແລະ ບັນລຸຜົນສຳເລັດຄືແນວນີ້ຢູ່ອົງການຫຼາຍຝ່າຍໃຫຍ່ທີ່ສຸດໃນໂລກຄື:
        “ທີ 1, ແມ່ນມູນເຊື້ອການຕໍ່ສູ້ປົກປັກຮັກສາປະເທດຊາດຂອງຫວຽດນາມ. ປັດໃຈທີ 2 ແມ່ນຫວຽດນາມ ໄດ້ມີການປ່ຽນແປງໃໝ່, ເປີດປະຕູບັນລຸຜົນສຳເລັດ, ປະຕິບັດຕາມກົດໝາຍສາກົນ, ສ້າງຜົນງານຫຼາຍຢ່າງ ເຊິ່ງໄດ້ຮັບການຕີລາຄາສູງຈາກຫຼາຍປະເທດກ່ຽວກັບການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ລະດັບເຕີບໂຕ ແລະ ປະຈຸບັນພວກເຮົາພວມປະຕິບັດບັນດາເປົ້າໝາຍພັດທະນາສະຫັດສະວັດໃຫ້ເປັນຢ່າງດີ. ທີ 3 ແມ່ນ ການປະພຶດໃນການພົວພັນກັບຕ່າງປະເທດ”.
 (ແຫຼ່ງຄັດຈາກ VOV)
 

ຫວຽດນາມ ສະໜັບສະໜູນອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ ຂອງ ສປຊ

ຫວຽດນາມ ສະໜັບສະໜູນອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ ຂອງ ສປຊ

ທ່ານເອກອັກຄະລັດຖະທູດ ດັ້ງຮ່ວາງຢາງ, ຫົວໜ້າຄະນະປະຕິບັດງານ ຫວຽດນາມ ປະຈຳ ສປຊ, ຢັ້ງຢືນຄືໃນນັ້ນ, ໃນວັນທີ 13 ເມສາ, ຢູ່ນິວຢອກ, ປະເທດ ອາເມລິກາ, ໃນການຕ້ອນຮັບທ່ານນາງ Greta Gunnarsdottir, ຜູ້ອຳນວຍການອົງການຊ່ວຍບັນເທົາທຸກ ແລະ ວຽກເຮັດງານທຳໃຫ້ຊາວລີ້ໄພ ປາແລດສະຕິນ ຢູ່ເຂດຕາເວັນອອກໃກ້ຂອງສປຊ (UNRWA).

Top