(ພາບປະກອບ/Angkor Transport Services)
ຫວຽດນາມ ເຂົ້າຮ່ວມງານບຸນທະເລຄັ້ງທີ 5 ຢູ່ ກຳປູເຈຍ ດ້ວຍຫົວຂໍ້ “ນະຄອນຂຽວ - ຫາດຊາຍທະເລສວຍງາມ - ນ້ຳທະເລຂຽວ ແລະ ເຢັນ” ງານບຸນທະເລຄັ້ງທີ 5 ປີ 2016 ຂອງກຳປູເຈຍ ດຳເນີນຢູ່ແຂວງ Preah Sihanouk ໃນລະຫວ່າງວັນທີ 23 – 25/12. ງານບຸນມີການເຂົ້າຮ່ວມຂອງບັນດາປະເທດຄື: ຫວຽດນາມ, ໄທ, ຈີນ, ອິນເດຍ ແລະ ອິນໂດເນເຊຍ. ຄະນະ ຫວຽດນາມ ມີການເຄື່ອນໄຫວຫລາຍຢ່າງຄື: ວາງສະແດງແນະນຳສິນຄ້າ ຫວຽດນາມ, ງານວາງສະແດງອາຫານການກິນ, ສະແດງສິລະປະທີ່ເຂັ້ມຂົ້ນໄປດ້ວຍສີສັນວັດທະນະທຳຂອງຊາດ ຫວຽດນາມ, ປະກອບສ່ວນໂຄສະນາຮູບພາບ, ປະເທດ ແລະ ປະຊາຊົນ ຫວຽດນາມ ເຖິງແຂກທ່ອງທ່ຽວສາກົນ ແລະ ກຳປູເຈຍ ໃນໂອກາດງານບຸນ. ງານບຸນມີບັນດາການເຄື່ອນໄຫວກິລາລວມມີ: ຊ່ວງເຮືອ, ແລ່ນ, ເຕະບານບົນຫາດຊາຍທະເລ, ແຂ່ງຂັນຕີມວຍພື້ນເມືອງ, Teakwondo…
(ແຫຼ່ງຄັດຈາກ VOV)
