ທ່ານນາງເອກອັກຄະລັດຖະທູດ ຫງວຽນເຟືອງງາ,
ຫົວໜ້າຄະນະຜູ້ແທນ ຫວຽດນາມ ປະຈຳ ສປຊ
(ພາບ: TTXVN)
ໃນລະຫວ່າງວັນທີ 27 – 31/3/2017, ທີ່ສຳນັກງານສະຫະປະຊາຊາດ ຢູ່ນິວຢອກ ປະເທດ ອາເມລິກາ, ໄດ້ດຳເນີນວາລະປະຊຸມຄັ້ງທີ 1 ກອງປະຊຸມເຈລະຈາເຄື່ອງມືນິຕິທຳ ໂດຍຜຸກຮັດເພື່ອແນໃສ່ຕ້ານອາວຸດນິວເຄຼຍ, ມຸ່ງໄປເຖິງການລົບລ້າງອາວຸດນິວເຄຼຍຢ່າງສິ້ນເຊິ່ງ. ກ່າວຄຳເຫັນທີ່ວາລະປຶກສາຂັ້ນສູງໃນວັນທີ 28/3, ທ່ານນາງເອກອັກຄະລັດຖະທູດ ຫງວຽນເຟືອງງາ, ຫົວໜ້າຄະນະຜູ້ແທນ ຫວຽດນາມ ປະຈຳ ສປຊ, ຫົວໜ້າຄະນະຜູ້ແທນ ຫວຽດນາມ ເຂົ້າຮ່ວມວາລະປະຊຸມ, ໄດ້ແບ່ງປັນຄວາມວິຕົກວັງວົນກ່ຽວກັບໄພນາບຂູ່ຂອງອາວຸດນິວເຄຼຍສຳລັບສັນຕິພາບ ແລະ ຄວາມໝັ້ນຄົງສາກົນ ແລະ ຜົນຮ້າຍກ່ຽວກັບດ້ານມະນຸດສະທຳຂອງອາວຸດນິວເຄຼຍ. ທ່ານນາງ ເອກອັກຄະລັດຖະທູດ ຢັ້ງຢືນຫຼັກໝັ້ນສະເໝີຕົ້ນສະເໝີປາຍ ແລະ ຄຳໝັ້ນສັນຍາຂອງ ຫວຽດນາມ ສຳລັບບັນດາຄວາມມານະພະຍາຍາມສາກົນເພື່ອແນໃສ່ຫລຸດຜ່ອນນິວເຄຼຍຢ່າງຮອບດ້ານ ແລະ ເຖິງຖອງ, ໃນນັ້ນມີເລື່ອງຈັດຕັ້ງກອງປະຊຸມໃນຄັ້ງນີ້. ທ່ານນາງເອກອັກຄະລັດຖະທູດ ຫວຽດນາມ ກໍ່ຮຽກຮ້ອງໃຫ້ບັນດາປະເທດມີອາວຸດນິວເຄຼຍ ປະຕິບັດຄຳໝັ້ນສັນຍາຫລຸດຜ່ອນນິວເຄຼຍ, ຮັບປະກັນບໍ່ບຸກໂຈມຕີດ້ວຍອາວຸດນິວເຄຼຍແນໃສ່ບັນດາປະເທດບໍ່ມີອາວຸດນິວເຄຼຍ ແລະ ເຄົາລົບບັນດາຂົງເຂດປອດນິວເຄຼຍ; ພ້ອມທັງຢັ້ງຢືນເລື່ອງຊຸກຍູ້, ຮັກສາ ແລະ ປັບປຸງສັນຕິພາບ ແລະ ຄວາມໝັ້ນຄົງສາກົນ ແມ່ນຄວາມຮັບຜິດຊອບລວມຂອງທຸກໆປະເທດສະມາຊິກ.
ຫົວໜ້າຄະນະຜູ້ແທນ ຫວຽດນາມ ປະຈຳ ສປຊ
(ພາບ: TTXVN)
(ແຫຼ່ງຄັດຈາກ VOV)
