ພາບປະກອບ: ກະຊວງສາທາລະນະສຸກຫວຽດນາມ
ປັດຈຸບັນ, ຈຳນວນຜູ້ຕິດເຊື້ອພະຍາດ Covid – 19 ຢູ່ຫວຽດນາມທັງໝົດແມ່ນ 1.044 ຄົນ, ໃນນັ້ນມີ 735 ຄົນ ໄດ້ຮັບການປິ່ນປົວຫາຍດີເປັນປົກກະຕິ. ດັ່ງນັ້ນ ແມ່ນ 4 ມື້ແລ້ວ, ທີ່ຫວຽດນາມບໍ່ກວດພົບຜູ້ຕິດເຊື້ອພະຍາດ Covid – 19 ໃໝ່ໃນຊຸມຊົນ.
ໃນເຫດການທີ່ກ່ຽວຂ້ອງ, ວັນທີ 1 ກັນຍາ, ຢູ່ຮ່າໂນ້ຍ, ກະຊວງສາທາລະນະສຸກຫວຽດນາມ ໄດ້ຮັບ ວັດຖຸ, ອຸປະກອນການແພດເພື່ອຮັບໃຊ້ໃຫ້ແກ່ວຽກງານປ້ອງກັນ, ສະກັດກັ້ນໂລກລະບາດ Covid – 19 ຈາກບັນດາຄູ່ຮ່ວມມືເຂົ້າຮ່ວມການປະຕິບັດບັ້ນຍຸດທະສາດສື່ມວນຊົນ “ຄວາມເຊື່ອໝັ້ນຕໍ່ໄຊຊະນະ” ໂດຍກະຊວງສາທາລະນະສຸກ ປຸກລະດົມແຕ່ວັນທີ 6 ສິງຫາ - 30 ກັນຍາ. ໃນນັ້ນ, ໂຄງການພັດທະນາສະຫະປະຊາຊາດປະຈຳຫວຽດນາມ (UNDP) ໄດ້ໜູນຊ່ວນ ຫຸ່ນຍົນ 15 ໜ່ວຍ ທີ່ມີຄວາມສາມາດທັກທາຍ, ບົ່ງມະຕິພະຍາດ ແລະ ປິ່ນປົວພະຍາດທາງໄກ.ເນື່ອງໃນໂອກາດນີ້, ບໍລິສັດຫຸ້ນສ່ວນລົງທຶນ ທ້ຽນບິ່ງ, ບໍລິສັດ Grab ຫວຽດນາມ ແລະ ບໍລິສັດ Wipro Consumer Care ຫວຽດນາມ ໄດ້ມອບຜ້າອັດປາກ - ອັດດັງແລະ ຊຸດປ້ອງກັນພະຍາດ ເປັນຈຳນວນຫຼາຍ.
(ແຫຼ່ງຄັດຈາກ VOV)
