• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມຕັ້ງໜ້າເຂົ້າຮ່ວມຊຸກຍູ້ການພັດທະນາທົ່ວໂລກ

     ໃນລະຫວ່າງວັນທີ 22 – 23 ພະຈິກ, ທ່ານຮອງລັດຖະມົນຕີຜູ້ປະຈໍາການກະຊວງການຕ່່າງປະເທດຫວຽດນາມ ບຸ່ຍແທັງເຊີນ ໄດ້ນໍາໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມລັດຖະມົນຕີກະຊວງການຕ່າງປະເທດກຸ່ມ 20 ພື້ນຖານເສດຖະກິດພັດທະນາ ແລະ ຫາກໍ່ພົ້ນເດັ່ນແຖວໜ້າໂລກ (G20) ຢູ່ນະຄອນ Nagoya, ປະເທດ ຍີ່ປຸ່ນ. ກອງປະຊຸມໄດ້ປຶກສາຫາລືບັນດາເນື້ອໃນຈຸດສຸມຂອງໂຄງການດໍາເນີນງານຂອງ G20 ໃນປີ 2019.

ທ່ານຮອງລັດຖະມົນຕີຜູ້ປະຈໍາການກະຊວງການຕ່່າງປະເທດຫວຽດນາມ ບຸ່ຍແທັງເຊີນ ແລະ ທ່ານລັດຖະມົນຕີການຕ່າງປະເທດຍີ່ປຸ່ນ 
      ກ່າວຄໍາເຫັນທີ່ 2 ວາລະປະຊຸມກ່ຽວກັບການບໍລິຫານທົ່ວໂລກ, ການຄ້າ ແລະ ພັດທະນາແບບຍືນຍົງ, ທ່ານຮອງລັດຖະມົນຕີກະຊວງການຕ່າງປະເທດ ບຸ່ຍແທັງເຊີນ ສະເໜີບັນດາປະເທດຊຸກຍູ້ການປະຕິຮູບການບໍລິຫານທົ່ວໂລກ, ກ່ອນອື່ນໝົດແມ່ນບັນດາກົນໄກຫຼາຍຝ່າຍ ເພື່ອແກ້ໄຂບັນດາບັນຫາທົ່ວໂລກຢ່າງມີປະສິດທິຜົນ. ທ່ານຫວັງວ່າ G20  ພ້ອມກັບບັນດາກົນໄກຫຼາຍຝ່າຍຄວນສືບຕໍ່ຖືລັດທິຫຼາຍຝ່າຍເປັນສໍາຄັນ, ນໍາໜ້າໃນການປະຕິບັດບັນດາຄໍາໝັ້ນສັນຍາສາກົນຢ່າງຄົບຖ້ວນ, ປະກອບສ່ວນຢ່າງມີຄວາມຮັບຜິດຊອບເຂົ້າໃນການຊຸກຍູ້ການສ້າງຄວາມເປັນລະບຽບຮຽບຮ້ອຍຂອງໂລກ ໂດຍອີງໃສ່ກົດໝາຍ, ຄວາມຍຸຕິທໍາ, ສະເໝີພາບ ແລະ ໝັ້ນຄົງ. ທ່ານ ບຸ່ຍແທັງເຊີນ ຢັ້ງຢືນວ່າ ໃນຖານະຕໍາແໜ່ງເປັນປະທານອາຊຽນໃນປີ 2020 ແລະ ກໍາມະການບໍ່ປະຈໍາສະພາຄວາມໝັ້້ນຄົງ ສປຊ ອາຍຸການ 2020 – 2021, ຫວຽດນາມ ຈະພ້ອມກັບປະຊາຄົມສາກົນ ເພີ່ມທະວີການສົມທົບ, ຊ່ວຍເຫຼືອເຊິ່ງກັນແລະກັນ ລະຫວ່າງບັນດາກົນໄກທົ່ວໂລກ ແລະ ບັນດາອົງການຈັດຕັ້ງຂອງພາກພື້ນ ເພື່ອປະກອບສ່ວນເຂົ້າໃນຄວາມມານະພະຍາຍາມລວມ ປັບປຸງສັນຕິພາບ, ສະຖຽນລະພາບ ແລະ ພັດທະນາແບບຍືນຍົງ.
        ກ່າວຄໍາເຫັນທີ່ວາລະປະຊຸມກ່ຽວກັບການພັດທະນາແບບຍືນຍົງ, ທ່ານບຸ່ຍແທັງເຊີນ ຢັ້ງຢືນວ່າ ຫວຽດນາມ ປະຕິບັດໂຄງການດໍາເນີນງານຮອດປີ 2030 ແລະ ຂໍ້ຕົກລົງປາຣີກ່ຽວກັບການປ່ຽນແປງຂອງດິນຟ້າອາກາດ ຢ່າງຄົບຖ້ວນ; ສະເໜີບັນດາປະເທດ G20 ນໍາໜ້າໃນການປະຕິບັດຄໍາໝັ້ນສັນຍາ, ຊ່ວຍໜູນບັນດາປະເທດພວມພັດທະນາປະຕິບັດໂຄງການດໍາເນີນງານຮອດປີ 2030 ຢ່າງແທດຈິງ; ຊຸກຍູ້ການສ້າງເຄືອຂ່າຍເຊື່ອມຕໍ່ບັນດາສູນກາງປ່ຽນແປງໃໝ່ປະດິດຄິດສ້າງທົ່ວໂລກ ເພື່ອໃຫ້ບັນດາປະເທດພວມພັດທະນາຍາດແຍ່ງກາລະໂອກາດຈາກການປ່ຽນແປງໃໝ່ປະດິດຄິດສ້າງ.
        ຢູ່ນອກກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດ ບຸ່ຍແທັງເຊີນ ໄດ້ພົບປະ, ແລກປ່ຽນກັບລັດຖະມົນຕີການຕ່າງປະເທດ ແລະ ຫົວໜ້າຄະນະຜູ້ແທນຂອງບັນດາປະເທດ ເຊິ່ງລວມມີ ຍີ່ປຸ່ນ, ອາເມລິກາ, ຈີນ, ອັງກິດ, ການາດາ, ຝລັ່ງ, ອົດສະຕາລີ, ຈີເລ...
 (ແຫຼ່ງຄັດຈາກ VOV)
 


ປະ​ທານ​ປະ​ເທດ ຫວໍ​ວັນ​ເຖືອງ ສິ​້ນ​ສຸດ​ການ​ຢ້ຽມ​ຢາມ ຍີ່​ປຸ່ນ ຢ່າງ​ເປັນ​ທາງ​ການ

ປະ​ທານ​ປະ​ເທດ ຫວໍ​ວັນ​ເຖືອງ ສິ​້ນ​ສຸດ​ການ​ຢ້ຽມ​ຢາມ ຍີ່​ປຸ່ນ ຢ່າງ​ເປັນ​ທາງ​ການ

ທ່ານປະທານປະເທດ ຫວຽດນາມ ຫວໍວັນເຖືອງ ແລະ ພັນລະຍາ, ພ້ອມກັບຄະນະຜູ້ແທນຂັ້ນສູງ ຫວຽດນາມ ໄດ້ເດີນທາງອອກຈາກ Fukuoka ກັບເມືອປະເທດ ສິ້ນສຸດການຢ້ຽມຢາມ ຍີ່ປຸ່ນ ຢ່າງຈົບງາມ ຕາມຄຳເຊື້ອເຊີນຂອງລັດຖະບານ ຍີ່ປຸ່ນ.

Top