ໃນໂທລະເລກ, ທ່ານນາຍົກລັດຖະມົນຕີຮຽກຮ້ອງໃຫ້ ຫົວໜ້າຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ - 19, ປະທານຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງເພີ່ມທະວີຍົກສູງສະຕິຂອງປະຊາຊົນໃນວຽກງານຮັກສາສຸຂະພາບ ກໍ່ຄືບັນດາມາດຕະການຮັບມືກັບໄວລັດສາຍພັນ Omicron; ຫົວໜ້າຄະນະຊີ້ນຳການປ້ອງກັນ, ຕ້ານໂລກລະບາດໂຄວິດ - 19, ປະທານຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງຕ້ອງຮັບຜິດຊອບຈັດຕັ້ງການປະຕິບັດເລັ່ງສັກວັກຊິນໃຫ້ໄວກວ່າ, ຮັບປະກັນຄວາມປອດໄພ, ວິທະຍາສາດ, ມີປະສິດທິຜົນຕາມຄຳແນະນຳຂອງກະຊວງສາທາລະນະສຸກ ຫວຽດນາມ ແລະ ເປົ້າໝາຍທີ່ລັດຖະບານໄດ້ວາງອອກ; ຈັດຕັ້ງບັນດາໜ່ວຍງານເຄື່ອນທີ່ສັກວັກຊິນຢູ່ເຮືອນໃຫ້ແກ່ປະຊາຊົນທີ່ບໍ່່ສາມາດໄປສັກຢາໄດ້.
ພ້ອມກັນນັ້ນ, ກະຊວງສາທາລະນະສຸກຮັບຜິດຊອບການສະໜອງວັກຊິນປ້ອງກັນ ແລະ ຢາປິ່ນປົວໂຄວິດ - 19 ໃຫ້ຄົບ, ສຸມໃສ່ຊີ້ນຳເປັນເຈົ້າຕົນເອງໃນການຜະລິດວັກຊິນຢູ່ພາຍໃນປະເທດໃຫ້ໄວເທົ່າທີ່ສາມາດເຮັດໄດ້ ແລະ ຮັບປະກັນວິທະຍາສາດ, ຄວາມປອດໄພ ແລະ ມີປະສິດທິຜົນ. ໂທລະເລກກໍ່ຮຽກຮ້ອງໃຫ້ກະຊວງສາທາລະນະສຸກເປັນປະທານຮ່ວມກັບກະຊວງການສຶກສາ ແລະ ບຳລຸງສ້າງ, ບັນດາອົງການທີ່ກ່ຽວຂ້ອງຂົ້ນຄວ້າ, ທາບທາມບົດຮຽນຂອງສາກົນ ແລະ ພາຍໃນປະເທດກ່ຽວກັບການຜັນຂະຫຍາຍການນຳເຂົ້າ, ສັກວັກຊິນກັນໂຄວິດ - 19 ໃຫ້ແກ່ເດັກອາຍຸຕ່ຳກວ່າ 18 ປີໃຫ້ປອດໄພ, ທັນການ, ມີວິທະຍາສາດ ແລະ ມີປະສິດທິຜົນ.
(ແຫຼ່ງຄັດຈາກ VOV)
