ນັກກິລາ ຫງວຽນຖຸຍລິງ (ພາບ: TTXVN)

ຕອນບ່າຍວັນທີ 17 ກັນຍາ, ງານແຂ່ງຂັນຕີດອກປີກໄກ່ ຫວຽດນາມ ເປີດກວ້າງປີ 2023 (Vietnam Open 2023) ໄດ້ສິ້ນສຸດລົງດ້ວຍບັນດານັດແຂ່ງຂັນຮອບຊີງຊະນະເລີດທີ່ສະໜາມກິລາໃນຮົ່ມ ຫງວຽນຢູ, ນະຄອນໂຮ່ຈິມິນ.    

ນັກກິລາ ຫງວຽນຖຸຍລິງ ໄດ້ເອົາຊະນະຄູ່ແຂ່ງຊາວ ຍີ່ປຸ່ນ Kurihara ໃນຮອບຊິງຊະນະເລີດ, ປ້ອງກັນແຊັມ ເຊິ່ງ ລິງ ຄວ້າໄດ້ໃນງານແຂ່ງຂັນປີ 2022. ຫງວຽນຖຸຍລິງ ຢືນອັນດັບທີ 27 ໃນໂລກ ແລະ ເປັນໂຕເຕັງອັນດັບ 1 ໃນງານແຂ່ງຂັນ.

ງານແຂ່ງຂັນຕີດອກປີກໄກ່ ຫວຽດນາມ ເປີດກວ້າງປີ 2023 ມີນັກກິລາ 300 ກວ່າຄົນທີ່ມາຈາກ 23 ປະເທດ ແລະ ເຂດແຄວ້ນເຂົ້າຮ່ວມ. ນີ້ແມ່ນງານແຂ່ງຂັນ ລະດັບ BWF Tour Super 100 Tournament, ດ້ວຍເງິນລາງວັນທັງໝົດ 100,000 USD.