ຕອນຄ່ຳວັນທີ 1 ພະຈິກ (ຕາມເວລາ ຫວຽດນາມ), ໃນຂອບເຂດການໄປຢ້ຽມຢາມ, ເຮັດວຽກ ແລະ ເຂົ້າຮ່ວມກອງປະຊຸມ COP 26 ຢູ່ອັງກິດ, ທ່ານນາຍົກລັດຖະມົນຕີ ຟ້າມມິງຈິງ ໄດ້ມີການພົບປະກັບທ່ານເລຂາທິການໃຫຍ່ ສປຊ Antonio Guterres. ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ຖືເປັນສຳຄັນ, ຕີລາຄາສູງ ບົດບາດໃຈກາງຂອງ ສປຊ ແລະຫວັງຢາກ ຊຸກຍູ້ການຮ່ວມມືຢ່າງຮອບດ້ານ ກັບ ສປຊ, ທ່ານຢືນຢັນຄຳໝັ້ນສັນຍາຢ່າງແຮງ ຂອງ ຫວຽດນາມ ໃນການຕ້ານການປ່ຽນແປງຂອງດິນຟ້າອາກາດ.
ສ່ວນທ່ານ ເລຂາທິການໃຫຍ່ ສປຊ ໄດ້ຕີລາຄາສູງການເຂົ້າຮ່ວມຂອງ ຫວຽດນາມ ຕໍ່ບັນດາບັນຫາສາກົນ, ໃນນັ້ນມີບັນຫາຮັບມືກັບການປ່ຽນແປງຂອງດິນຟ້າອາກາດ ແລະ ເຂົ້າຮ່ວມກຳລັງຮັກສາສັນຕິພາບຢູ່ ສປຊ, ທ່ານຕີລາຄາສູງຄຳໝັ້ນສັນຍາຂອງ ຫວຽດນາມ ຢູ່ COP26 ກ່ຽວກັບການຫຼຸດຜ່ອນການປ່ອຍອາຍພິດເຮືອນແກ້ວລົງສູນ.
(ແຫຼ່ງຄັດຈາກ VOV)
